Түөкүннэр харчы өлөрөөрү, дьэ, араас да ньыманы толкуйдууллар эбит!
РФ Суут бириистэптэрин федеральнай сулууспатын Саха сиринээҕи управлениетын үлэһиттэрэ ыарахан сыаналаах төлөпүөннэри чэпчэкигэ атыылыылларын курдук ис хоһоонноох иһитиннэриилэр билигин да киирэ тураллар. Сүрүннээн, “Apple” фирма төлөпүөннэрин.
Итинэн сибээстээн, управление сэрэтэр – ити иһитиннэриилэр сымыйалар. “Толоруллар дьыала туһунан” сокуон ирдэбилинэн, иэстээх дьонтон былдьаммыт баайы-малы суут бириистэптэрэ бэйэлэрэ атыылаабаттар, батарыынан анал тэрилтэлэр дьарыктаналлар.
Ол курдук, РФ бэрэсидьиэнин ыйааҕынан уонна РФ Бырабыыталыстыбатын уурааҕынан, былдьаммыт баайы-малы батарыынан Росимущество управлениета дьарыктанар. Онуоха бэйэтин тэрилтэлэрин, физическэй и юридическай сирэйдэри туһаныан сөп.
Онон, суут бириистэптэрин сулууспата былдьаммыт баайы-малы атыылаабат. Болҕомтолоох, сэрэхтээх буолуҥ – түөкүннэр угаайыларыгар киирэн биэримэҥ!
Биһиги корр., «Саха сирэ» хаһыат, edersaas.ru
Хаартыска: интэриниэттэн