close
«Сыҥалаабат эрэкэлээмэ» син биир сыҥалыыр
Блогер колонката - Олох-дьаһах

«Сыҥалаабат эрэкэлээмэ» син биир сыҥалыыр

Арыгылааһыны уонна табахтааһыны күөх экраҥҥа көрдөрүү элбии турара киһини дьиксиннэрэр. Уопсайынан, арыгыга уонна табахха ылларыы үс сүрүн төрүөттээх.

Бастакы түгэн. Арыгы уонна табах туох да куттала суох диэн дьон өйүн сүүйээһин. Маны ситиһэр инниттэн араас киинэлэргэ, тэлэбиидэнньэ биэриилэригэр харчы да төлөөн туран, арыгы биллэр мааркаларын көрдөрөллөр. Психологтар этэллэринэн, «сыҥалаабат эрэкэлээмэ» барар. Арыгы үчүгэй мааркатын киинэҕэ көрүү киһи өйүгэр хатанан хаалар. Билигин араас киинэлэргэ табахтааһыны уонна арыгылааһыны көрдөрүү сыаната хас сөкүүндэ устата көстөрүттэн тутулуктанан, уларыйа турар. Холобур, киинэ дьоруойа табахтыыр, арыгылыыр буоллаҕына – биир сыана, оттон киинэҕэ оонньуур­­­ оруол кылгас буоллаҕына, эмиэ атын сыана. Бары сөбүлээн көрөр «Ирония судьбы или с легким паром» диэн киинэни ырытан көрүөххэ. Бу киинэ сүрүн санаата – бырааһынньыгы хайдах атаарыы туһунан. Өйдөөн көрдөххө, бу сүрүн дьоруой кимий? Сүрүн дьоруой – поликлиника кылаабынай бырааһа дьиэтин-уотун буккуйарын ааһан, куоратын эмиэ алҕаһыыр. Киинэ бу быраас киһи буккуллуор диэри итирэр буоллаҕына, боростуой киһи арыгылыыра сөп да соҕус курдук диэн санааны биэрэр.

Иккис түгэн. Табахтааһын сыаната. Манна киинэ саҕаланыаҕыттан бүтүөр диэри табахтыахтарын сөп. Кэрэ аҥаардар кумирдара Барбара Брыльска табахтыыр. Кини дьоруойа, тоҕо эрэ, нуучча тылын учуутала (тоҕо эрэ омук тылын учуутала буолбатах). Бу түгэнтэн да көстөрүнэн, бүтүн Арассыыйаны, нуучча норуотун утары сүрдээх кистэлэҥ, алдьатар үлэ бара турар. Ол туһунан Ален Даллас былааныгар суруллубутуттан көрөбүт.

Үһүс түгэн. Дьон өйүн сүүйэр түгэнинэн футболга аан дойду чөмпүйэнээтэ буолла. Манна сүрүн спонсордартан биирдэстэринэн «Bud», «Балтика» пиибэ хампаанньалара буоллулар. Онон, сайыны быһа пиибэ эрэкэлээмэтин көрдүбүт. Дьиҥэр, төһө да кыраадыһа суох буоллар, пиибэ састаабыгар хмель баар. Хмель састааба киһи гормональнай туругун алдьатар эбит. Ол аата, дьахтар эр киһи быһыытыйар, оттон эр киһи гормоннара дьахтар өттүгэр кубулуйаллар. Бу туһунан «Уопсай дьыала» федеральнай бырайыакка В.Г. Жданов сиһилии кэпсиир.

Онон, күндү төрөппүттэр, көстүбэт эрэкэлээмэ албын кэпсээннэригэр киирэн биэримиэххэ. Дьааты – дьаат диэххэ, кэлэр көлүөнэбитин арыгы дьаатыттан араҥаччылыахха.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

5 × пять =