Сыл тахсар от 88 %-а баар, оттооһуҥҥа күрэхтэһии биллэрилиннэ!

Ааптар: 
Бөлөххө киир:

Балаҕан ыйын 4 күнүнээҕи туругунан, Саха сирин үрдүнэн 428 тыһ. 642 туонна от чөкөтүллэн, сыл тахсар от 88 %-а хааччылынна. edersaas.ru

Былааны толоруу

Киин, илин эҥээр уонна Бүлүү эргин улуустарга:

100 % — Cунтаар (35 тыһ. 243 т.), 99 % — Ньурба (32 тыһ. 299 т.), 98 % — Кэбээйи (18 тыһ. 155 т.), 97 % — Ленскэй (5 тыһ. 272 т.), 96 % — Бүлүү (26 тыһ. 239 т.), 94 % — Таатта (35 тыһ. 170 т.), 92 % — Үөһээ Бүлүү (23 тыһ. 134 т.), 90 % — Хаҥалас (26 тыһ. 583 т.), 89 % — Чурапчы (36 тыһ. 509 т.), 88 % — Амма (29 тыһ. 943 т.), 84 % Өлүөхүмэ (14 тыһ. 881 т.), 83 % – Мэҥэ Хаҥалас (35 тыһ. 805 т.), 82 % — Дьокуускай к. (9 тыһ. 864 т.), 77 % — Нам (23 тыһ. 537 т.), 73 % — Горнай (11 тыһ. 666 т.), 69 % — Уус Алдан (24 тыһ. 350 т.).

2. Хотугу улуустарга

107 % — Эдьигээн (137 т.), 96 % — Орто Халыма (7 тыһ. 327 т.), Уус Маайа (2 тыһ. 896 т.), 95 % — Үөһээ Халыма (828 т.), 92 % — Дьааҥы (11 тыһ. т.), 90 % — Томпо (6 тыһ. 513 т.), 67 % – Өймөкөөн (3 тыһ. 331 т.), 65 % — Эбээн Бытантай (1 тыһ. 295 т.), 52 % — Муома (1 тыһ. 119 т.).

Өрөспүүбүлүкэ үрдүнэн 2 тыһ. 352 т сенаж оҥоһулунна, 6 тыһ. 880 т сиилэс угулунна. Хаһаайыстыбалар бурдук хомууругар туруннулар. Санатан эттэххэ, бурдук 11 тыһ. 678 гектарга, сүөһү сиир култуурата 25 тыһ. 992 гектарга ыһыллыбыттара.

Оттооһуҥҥа күрэхтэһии биллэрилиннэ

Атырдьах ыйын 29 күнүгэр ыытыллыбыт видеоконференцияҕа бырабыыталыстыба баһылыгын бастакы солбуйааччы – тыа хаһаайыстыбатын уонна ас-үөл бэлиитикэтин миниистирэ Петр Алексеев оттооһуҥҥа өрөспүүбүлүкэтээҕи күрэхтэһии балаһыанньатын бигэргэппитэ. Күрэхтэһии икки зонанан араарыллан ыытыллар:

I зонаҕаАмма, Мэҥэ Хаҥалас, Нам, Таатта, Горнай, Уус Алдан, Хаҥалас, Чурапчы улуустара уонна Дьокуускай куорат.
II зонаҕаҮөһээ Бүлүү, Бүлүү, Өлүөхүмэ, Кэбээйи, Ленскэй, Ньурба, Сунтаар уонна Миирнэй улуустара күрэхтэһэллэр.

Кыайыылааҕынан балаҕан ыйын 14 күнүгэр диэри оттооһун сүрүн көрдөрүүлэринэн ордук элбэх бааллаах улуустар ааҕыллыахтара. Баал олунньу 27 күнүгэр тахсыбыт Саха өрөспүүбүлүкэтин бырабыыталыстыбатын “2017 сылга ыһыы, оттооһун уонна хомуур үлэлэрин тэрийэн ыытыы миэрэлэрин туһунан” дьаһалынан бигэргэммит оттооһун былааныгар олоҕуран таһаарыллыаҕа. Былааны толоруу бырыһыана баалынан ааҕыллар (1 быраһыан = 1 баал). Бааллар тэҥнэһэр түбэлтэлэригэр, биир усулуобунай төбө сүөһүгэ- сылгыга төһө аһылык единицата тиксэрэ учуоттаныаҕа. Түмүк балаҕан ыйын 24 күнүгэр таһаарыллыаҕа.

Бириистэр: I миэстэҕэ — «УАЗ Хантер» массыына, II миэстэҕэ — «Синтай-220» дьоҕус тыраахтар, III миэстэҕэ – компьютерной тиэхиньикэ.

Раиса Сибирякова. “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0