close
Сымыйа эттээх бэлимиэн
Бу - интэриэһинэй - Олох-дьаһах - Эйиэхэ, туһанааччыга - Экэниэмикэ

Сымыйа эттээх бэлимиэн

Үлэҕэр, эбэтэр наадаҕар тардыллан хаалан дьиэҕэр киэһэ хойут кэллэххинэ, биирдэ эмит ыксалга маҕаһыынтан түргэнник буһар аһы,  амтана төһө да атын буоллар бэлимиэни үгүс киһи ылан сиир буолуохтаах. Оҥорон таһаарааччылар чэпчэки харчыны эккирэтэн, атыылаһааччыны албыннаан, эт оннугар атын бородууксуйаны уганнар, бу күннэргэ харыларыттан харбаттылар. 

edersaas.ru


Россельхознадзор Саха сиринээҕи салаата Новосибирскай куоракка оҥоһуллар «Аппетитные 1» бэлимиэн састааба фальсификат сырьеҕа  уларытыллыбытын быһаарда.

«Белок бу бэлимиэҥҥэ 9,5 эрэ бырыһыаны ылар, дьиҥэр 12 % буолуохтаах. Ол аата, судургутук эттэххэ, эт оннугар эриллибит сүрэҕи, быары, ынах эмиийин соевай белогу, килиэби, куруппаны, бурдугу, амтан тупсарар араас туманы кытта булкуйбуттара билиннэ», — диэн иһитиннэрэр Россельхознадзор.

Онон, сымыйа эттэн оҥоһуллубут бэлимиэн атыыта тохтотуллан, бородууксуйаны оҥорон таһаарааччыга төнүннэрэргэ докумуон бэлэмнэннэ.

 

Марианна ТЫРТЫКОВА, «Саха сирэ» хаһыат,  edersaas.ru

 

 

 

 

#бүгүн: 2
0
0

Сайт матырыйаалларын ааптар көҥүлэ суох ылар бобуллар.

Мин санаам:

13 + 19 =