Сынньана таарыйа, хата, таабырынна таайсыаҕыҥ! Өбүгэлэрбит көмүлүөк иннигэр олорон, остуоруйалаһаллара, таабырын таайсаллара эбээт! Оттон эһиги, киэһэ үлэ-хамнас үмүрүйүүтэ, дьиэҕитигэр тиийэн итии чэй иһэ-иһэ, оҕону-урууну көмпүүтэртэн аралдьыта таарыйа, таабырынна таайсыҥ! Таайбатах дьоҥҥо, «фантик» оонньууга курдук, көрдөөх сорудахтары биэриэххитин сөп. edersaas.ru
1. Ханнык иһиттэн аһыыр сатамматый?
2. Биир харахтаах, биир муостаах, носорог буолбатах баар үһү?
3. Ханнык үүнээйи барытын билэрий?
4. Ардах анныгар ким баттаҕын инчэппэтий?
5. Икки лиитирэ үүтү биир лиитирдээх бааҥкаҕа хайдах батарыахха сөбүй?
6. Ханнык тарааҕынан баттаххын сатаан тарааммаккын?
7. Ханнык илиигинэн чэйи булкуйар ордугуй?
8. Сир үрдүгэр дьон бука бары биир кэмҥэ тугу эрэ гыналлар. Тугу?
9. Сиртэн бэрт чэпчэкитик көтөҕөҕүн эрээри, ыраах кыайан бырахпаккын. Тугу?
10. Диетическэй сымыыт диэн тугуй?
Бэлэмнээтэ Ангелина Васильева, «Саха сирэ» хаһыат, edersaas.ru
Ойууга: тайаҕы бултуур аныгы ньыма.
Эппиэттэрэ:
1. Кураанах. 2. Ынах дьиэ муннугуттан өҥөйөн көрө турар. 3. Хрен.
4. Тараҕай киһи. 5. Үүттэн иэдьэгэй оҥордоххо. 6. Бөтүүк тарааҕынан. 7. Чэйи ньуосканан булкуйуллар, илиигинэн буолбатах. 8. Сааһыраллар. 9. Көтөр түүтүн. 10. Диетаҕа олорор куурусса сымыыта.