close
Ыччат «СЫТС-2018» күрэхтэһиини сэргээтэ
Олох-дьаһах

Ыччат «СЫТС-2018» күрэхтэһиини сэргээтэ

Бүгүн өрөспүүбүлүкэтээҕи медиа-кииҥҥэ «Саха ыччатын — тыа сиригэр-2018» тэрээһин буолла. Өй оонньуутугар сэттэ хамаанда илин-кэлин түһүстэ.

Күрэхтэһиини edersaas.ru сайт, СӨ Ыччат дьыалаларын уонна дьиэ кэргэн бэлиитикэтин министиэристибэ, Тыа хаһаайыстыбатын академията уонна тыа хаһаайыстыбатын техникума  тэрийдилэр. Маннык хабааннаах өй оонньууларын сайт 2016 сылтан араас тиэмэҕэ ыытар.

Бүгүҥҥү оонньууга Дьокуускай куораттан «Гвозди», «Дабаан» ыччат түмсүүтүн, тыа хаһаайыстыбатын техникумун устудьуоннарын, ХИФУ устудьуоннарын, Нам, Кэбээйи, Өлүөхүмэ улууһун хамаандалара кытыннылар.

Оонньуу устата үлэ, булт тэриллэригэр, тыа сирин тэрээһиннэригэр, Саха сирин улуустарын историятыгар сыһыаннаах ыйытыктарга хоруйдаатылар. Түмүккэ бастакы миэстэни Дьокуускай ыччатын «Гвозди» хамаандата кыайыылаах таҕыста. Иккис миэстэҕэ М.К. Аммосов аатынан ХИФУ Хотугулуу-Илиҥҥи норуоттар тылларын уонна култуураларын институтун устудьуоннара ыллылар. Оттон тыа хаһаайыстыбатын техникумун устудьуоннара үһүс миэстэлэннилэр. Кыайыылаах хамаандалар Ыччат министиэристибэтин аатыттан сыаналаах бириистэринэн наҕараадаланнылар.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

одиннадцать + семнадцать =