Таайыҥ эрэ. Бу тугуй?

Ааптар: 
Бөлөххө киир:

Бу хаартыска батсаабынан кэллэ. Киһи, көрөөт, соһуйар. Тугуй, бу? Эһиги тута таайыаххыт этэ дуу?


Бастатан, хаартыска суруктаах. Онно этиллибитинэн, уолаттар Амма Абаҕатыгар Тыымпынай диэн үрэх халдьаайытыгар сылдьан, тыаттан булан ылбыттар.

Көрөргүт курдук, икки өттө кулгаахтаах. Аан курдук төгүрүк люктаах. Манан киһи хайдах да баппат. Ыттар, крысалар, эбисийээнэлэр эрэ батыахтарын сөп. Кыыллары куйаарга көтүппүттэрэ буолуо дуо? Эбэтэр бу туох тимирэй? Бу дьикти, дьиибэ тэрили булан ылбыт уолаттар итинник  ыйытан суруйбуттар.

Бу хаартысканан уонна суругунан сирдэтэн, биһиги нэһилиэк баһылыгар Макар Ильич Тимофеевка эрийэ сырыттыбыт. Кини маннык хоруйу биэрдэ:

—  Манна кырдьаҕастарбытыгар көрдөрөн кэпсэтии бөҕө таҕыста. Ити тэрили уолаттар, кырдьык, булан ылбыттар.  Аныгы ыччат соһуйан бөҕө буоллаҕа. Кырдьаҕастарбыт быһааран эппиттэринэн, ити Сэбиэскэй кэм саҕана солооһун оҥорорго туһаныллар тэрил эбит. Аан (люк) курдугунан кумах толору кутан ыйааһын эбэллэр эбитэ үһү. Итиэннэ икки тыраахтарынан волокуша курдук состороллор дииллэр.

Биһиги корр., “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0