close
podpiska

Таал-таал эмээхсин буолбатах киһи-ии!
Олох-дьаһах - Саха ыала

Таал-таал эмээхсин буолбатах киһи-ии!

Халтараан кэмигэр хаһааҥҥытааҕар да элбэх киһи эчэйэр. Ол курдук, Дьокуускай к. эчэйии пуунугар күҥҥэ уончалыы киһи эмчит өҥөтүгэр наадыйан кэлэр.

edersaas.ru


Бу сыыппара кыһын өссө хаҥкылыы, хайыһардыы, салааскаҕа сырылыы сылдьан уо.д.а. эчэйбиттэр ахсааннарынан эбиллэр. Травматологтар бэлиэтииллэринэн, ордук тарҕаммыт эчэйиилэринэн илии (сарын, илии салбаҕын), тобук уҥуоҕун тоһутуу уонна быһа түһүү, силгэ уунуута буолаллар.

Онон халтарааҥҥа сэрэхтээхтик сылдьарга травматологтар маннык сүбэлэри биэрэллэр:

— Бигэ тирэхтээх, хайа сатанарынан хайаҕастардаах уонна адыгырас ньуурдаах уллуҥахтаах, халтарыйбат атах таҥаһын талыҥ. Мууска хаамарга анал уһуллар уллуҥаҕы сыһыарыахха сөп.

— Уулуссаҕа ыксаабакка хаамыҥ, эмискэ хамсаныылартан туттунуҥ, атаххыт аннын кичэллээхтик көрөн хаамыҥ. Мууһунан хаамар кэмҥитигэр уллуҥаххытын тирэхтээхтик ууран хаамыҥ;

— Кырдьаҕас дьон эрэһиинэ уһуктаах торуоскаланара ордук;

— Илиигитин сиэпкитигэр уктан хаамымаҥ – охтор түбэлтэҕитигэр сиэпкититтэн кыайан хостообокко хаалыаххыт, оттон илиигит босхо буоллаҕына, охтон иһэн хонтуруолланар арыый чэпчэки буолар;

— Өскөтүн охтубуккут кэннэ ханнык эмэ эттиккит күүскэ ыалдьарын биллэххитинэ эбэтэр ханнык эрэ сөкүүндэҕэ өйгүтүн сүтэрэн ыллаххытына, суһаллык эйэчии пуунугар эбэтэр балыыһаҕа тиийиҥ.

Сэрэхтээх буолуҥ!

Надежда ЕГОРОВА, «Саха сирэ» хаһыат, edersaas.ru

 

#бүгүн: 1
4
0

Сайт матырыйаалларын ааптар көҥүлэ суох ылар бобуллар.

Мин санаам:

пятнадцать − двенадцать =