“Кэскиллээх дипломат» өрөспүүбүлүкэтээҕи күрэхтэһиигэ кытта барар бастыҥтан бастыҥнары сүүмэрдиир күөн күрэс бүгүн Таатта Чөркөөҕөр ыытылла турарын туһунан улуус дьаһалтатын кылаабынай исписэлииһэ Анна Яковлева www.edersaas.ru сайтка иһитиннэрдэ.
Анивера Акимова, «Саха сирэ» хаһыат, https://edersaas.ru
Тааттаҕа ыытылла турар сүүмэрдиир күрэх СӨ федеративнай сыһыаннаһыыга уонна тас сибээскэ министиэристибэтэ тэриллибитэ 25 сылыгар ананна. Тэрээһин чэрчитинэн ыытыллыбыт “Ийэ дойду сайдыытыгар кылаат” быыстапка-экспозиция аһыллыытыгар СӨ Тас сибээскэ департаменын салайааччыта Владимир Васильев кытынна.
Күрэххэ 14 нэһилиэктэн 65 үөрэнээчи кыттан, бары даҕаны бэлэмнээхтэрин, ураты дьоҕурдаахтарын көрдөрдүлэр. Эдэр дипломаттар талбыт тиэмэлэринэн презентация бэлэмнээн, дьүүллүүр сүбэ иннигэр көмүскээтилэр. 9 – 11-с кылаас үөрэнээччилэрэ «Куолуһут” күрэскэ, 6 – 8-с кылаастарга өй тургутуутугар, оттон 9 – 11-с кылаастар оҕолоро дебакка кытыннылар. Бастыҥнар өрөспүүбүлүкэтээҕи «Будущий дипломат» күрэхтэһиигэ кыттар быраабы ылыахтара.
Анивера Акимова, «Саха сирэ» хаһыат, https://edersaas.ru