«Таатта» баан килийиэннэригэр страховой харчыларын биэрэн эрэллэр

Бөлөххө киир:

2018 с. от ыйын 18 күнүттэн Уурдарыыны страховкалыыр ааҕыныстыба дьон «Таатта» бааҥҥа укпут харчытын төнүннэриини саҕалаата. Үбү ирдэһэр сайабылыанньаны Сбербааҥҥа, «Восточнай» бааҥҥа, «Почта бааҥҥа» уонна РНКБ бааҥҥа ылаллар. Харчыны эмиэ ити этиллибит бааннар нөҥүө төнүннэрэллэр.

edersaas.ru

Ыйыллыбыт агент-бааннар сорох эрэ килийиэннэргэ харчыларын төнүннэрэр бырааптаахтар. Сокуон быһыытынан, ким чуолкай испииһэккэ хапсарын ыйыталаһарга Ааҕыныстыба суһал төлөпүөнэ — 8-800-200-08-05 үлэлиир.

Уурдарбыт үптэрин төттөрү ылыахтаах дьону олорор сирдэриттэн, араспаанньаларын бастакы буукубатыттан көрөн ити агент-бааннарынан үллэрдилэр. Харчыгытын ханнык бааҥҥа ыыппыттарын чуолкайдыырга Ааҕыныстыба официальнай саайтыгар www.asv.org.ru киирэн, «Таатта» баан страховой түгэнэ салааны арыйан, «Тус агент-бааммын буларга» диэн көмө өҥөнөн туһанаргытыгар ыҥыраллар.

Бу ыйытыкка сиһилии иһитиннэриини суһал төлөпүөҥҥэ: Сбербааҥҥа – 8-800-555-55-50, «Восточнай» бааҥҥа – 8-800-100-7-100,  РНКБ бааҥҥа  – 8-800-234-27-27, «Почта бааҥҥа» – 8-800-550-07-70 эрийэн билсиэххитин син.

Реестр быһыытынан, 8,6 тыһ. уурдарыылаах дьон уопсайа 4,4 млрд солк. үптэрин төттөрү  ылыахтара. Урбаанынан дьарыктанарга уурдарыылаах 1,5 тыһ. килийиэн 236 мөл. төнүннэриэхтэрэ. Бу туһунан Ааҕыныстыба пресс-сулууспата иһитиннэрэр.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0