close
Таатта тырахтарыыстара күрэхтэстилэр (видео)
Бу - интэриэһинэй - Олох-дьаһах

Таатта тырахтарыыстара күрэхтэстилэр (видео)

Таатта улууһун Дьохсоҕонун эр дьоно бөһүөлэктэрин тупсарар сыалтан, бу күннэргэ маһы бэлэмнээһиҥҥэ күрэхтэһии-субуотунньук тэрийэн ыыттылар. Тэрээһиҥҥэ уопсайа 15 тыраахтар кыттан, 710 устуука тиит маһы бэлэмнээтилэр.

Анивера АКИМОВА, «Саха сирэ» хаһыат, edersaas.ru


Сааскы субуотунньугу олохтоохтор «Победа» ТХПК мэхээник-тырахтарыыһа Егор Аммосов сырдык кэриэһигэр итиэннэ Өрөспүүбүлүкэ күнүгэр анаатылар.

 

Улуус дьаһалтатын исписэлииһэ Анна Яковлева «Эдэр саас» сайтка кэпсээбитинэн, чааһынайдар уонна «Победа» ТХПК тырахтарыыстара күрэхтэһии-субуотунньукка көхтөөхтүк кыттыбыттар. Сарсыардар 7 чаастан киэһээ 6 чааска диэри маһы бэлэмнээн, нэһилиэккэ киллэрэн биэрбиттэр. Аны сайын пилорамаҕа эрбэтэн баран, салгыы Совхознай уулуссаны, оскуола, оҕо саадын территорияларын күрүөлээһиҥҥэ туттуохтара. Кыайыылаахтар сыаналаах бириистэринэн наҕараадаланнылар. Онон, Дьохсоҕон олохтоохторо үлэни өрө тутан, нэһилиэктэрин тупсарыыга бары күүстэрин уураллар.

Былырыын баччаларга эмиэ Таатта улууһун Игидэй тыраахтарыыстара олохтоохторго буор-босхо олбуордарын маһын бэлэмнээбиттэрэ. Уопсайа 21,3 куб м маһы бөһүөлэккэ киллэрбиттэрэ. Бу тэрээһин туһунан «Саха сирэ» хаһыакка сырдатан турабыт.

 

Анивера АКИМОВА, «Саха сирэ» хаһыат, edersaas.ru

 

 

 

 

 

 

1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

пять × три =

INSTAGRAM ЛИЭНТЭТЭ

Instagram батыһан бар