Таатта олохтоохторо төрөөбүт тыл уонна саха дьиэрэтэр хомуһун күнүн сүһүөхтэригэр туран көрүстүлэр.
Анивера Акимова, «Саха сирэ» хаһыат, https://edersaas.ru
Ийэ тыл күнүн көрсө уонна Лука Турнин 100 сыллаах үбүлүөйүн чэрчитинэн, бүгүн Тааттаҕа үгүс тэрээһин ыытылынна. Оҕо уһуйааннарыттан саҕалаан улуус бары тэрилтэлэрэ сахалыы таҥаһы сайбаччы кэттилэр. Саха хомуһун аҕата, Үлэ Кыһыл знамя уордьан кавалера, САССР култууратын үтүөлээх үлэһитэ Лука Николаевич Турнин түөрэҕэ түспүт, төрөөбүт Тыараһатыгар «Турнин талба талаанын сыдьаайа» фестиваль-көрүүгэ 100 киһилээх күргүөмүнэн хомуска тардыы, улуус киинигэр Ытык-Күөлгэ “Таатта” народнай тыйаатырыгар «Турниҥҥа анабыл” хоһоон айааччылар күөн-күрэстэрэ, итиэннэ улуус бары оскуолаларыгар, оҕо уһуйааннарыгар викториналар, ааҕыылар ыытылыннылар, хомус дьикти алыбын, истиҥ иэйиитин дьүрүскэнин туһунан иһирэх санаалар этилиннилэр диэн улуус дьаһалтатын исписэлииһэ Анна Яковлева https://edersaas.ru сайтка иһитиннэрдэ.
Анивера Акимова, «Саха сирэ» хаһыат, https://edersaas.ru