Бу күннэргэ батсаабынан намнар ууга бардылар диэн урукку сыллардааҕы хаартыскалары хото тарҕаттылар. Ол эрээри балаһыанньа этэҥҥэ.
Анивера Акимова, «Саха сирэ» хаһыат,https://edersaas.ru
Нам Үөдэйигэр төлөпүөнүнэн сибээскэ тахса сылдьыбыппар, уу кыратык үрдүү сылдьан баран, намтаабытын иһитиннэрдилэр.
Уу ресурсаларын федеральнай агентствотын Өлүөнэ сүнньүнээҕи ууга управлениетын пресс-сулууспата иһитиннэрбитинэн, Өлүөнэ мууһа Нам Арбынынан, Модутунан, Аппаанытынан, II-Хомустааҕынан хойуутук устар.
Аллараа Бэстээх аннынан, паром сылдьар сиринэн муус эмиэ хойуу.
Табаҕа аннынан өрүс ырааһырда. Дьокуускайынан хаалбыт муус кыралаан устар. Уу таһыма 504 см тэҥнэһэр. Онон бүгүн-сарсын паромнар боруобалааһын быһыытынан рейскэ тахсыахтарын сабаҕалыыллар.
Хаартыска: интэриниэттэн.
Анивера Акимова, «Саха сирэ» хаһыат,https://edersaas.ru