«Биһиэхэ «Табаһыттар» диэн бырайыактаахпыт. Таба иитиинэн дьарыктанар хаһаайыстыбалар юридическай аадырыстаахтар. Онон хаһыаты, сурунаалы, баһыылканы тириэрдэбит», – диэн Россия почтатын Саха сиринээҕи салаатын салайааччыта Алевтина Игнатьева «Сахамедиа» хампаанньаҕа, «Общая забота» бырайыагын чэрчитинэн ыытыллыбыт «төгүрүк остуол» кэмигэр иһитиннэрдэ.
Анивера Акимова, «Саха сирэ» хаһыат, https://edersaas.ru/
Өрөспүүбүлүкэ үрдүнэн таба иитиитинэн дьарыктанар сүүстэн тахса хаһаайыстыба баар. Арктика уонна хоту улуустарыгар эрэ буолбакка, Кэбээйигэ, Нерюнгрига, Томпоҕо бааллар. – Бары почтовай аадырыстаахтар. Урут биһиги өссө биир былааннаах этибит. Маннык хаһаайыстыбалары саамай наадалаах табаардарынан хааччыйар туһунан. Хомойуох иһин, ол бырайыакпыт билигин олоххо киирэ илик», – диэн почта салайааччыта эбэн эттэ. Былырыын кыһын Өймөкөөн улууһугар командировкаҕа бара сырыттахпытына, табаһыттарга хаһыат суруттарабыт диэн олохтоохтор кэпсээн турардаахтар. Маҕаһыыҥҥа ас-үөл, табаар ыла киирэллэригэр көтөх муҥунан хаһыаты, сурунаалы үөрэ-көтө илдьэ баралларын кэпсээбиттэрэ.
Анивера Акимова, «Саха сирэ» хаһыат, https://edersaas.ru/