Эһиил биир паачка табаах 20 – 35 солк. үрдүөҕэ. Билигин биир паачка сигарета ортотунан 100 солк. атыыланар.
Ааспыт нэдиэлэҕэ Судаарыстыбаннай Дума дьокутааттара үһүс ааҕыыга Нолуок кодексыгар уларытыылары бигэргэттилэр. Кэлэр сылтан арыгы, табаах уонна дизельнэй уматык сыанатыгар уларыйыылар киириэхтэрэ. Ол курдук импортнай сырьенан оҥоһуллубут шампанскай, вино, кыраадыстаах арыгы уонна пиибэ акциһа тохсунньу 1 күнүттэн улаатан, биир лиитирэтэ ортотунан 18 солкуобайынан үрдүөҕэ.
Табахсыттарга эмиэ бөрүкүтэ суох сонуннаахпыт. Судаарыстыбаннай Дума бүддьүөккэ кэмитиэтин бэрэссэдээтэлэ Алексей Чижов иһитиннэрбитинэн, 2017 сылтан биир паачка сигарета 20 – 35 солк. үрдүөҕэ. Билигин биир паачка сигарета ортотунан 100 солк. атыыланар. Онон табахсыттар табааххытын аччатаргытыгар тиийэҕит.
Анивера АКИМОВА.
+1
+1
+1
+1
+1
+1
+1