Киин куораппытыгар кулун тутар 16-19 күннэригэр Россия табаһыттарын улахан мунньаҕа аан маҥнай ыытыллыаҕа. Бу дойду таһымнаах IV уонна өрөспүүбүлүкэ табаһыттарын III сийиэстэрин, олору сэргэ Күөх Хонууга уонна ТХА ипподромугар ыытыллар күрэхтэһиилэр бырагыраамаларын билиһиннэрэбит.
Кулун тутар 16 күнүгэр:
11 ч.-13 ч. – «Хотугу төрүт дьарыктарга эргитии-урбатыы сыһыанын киллэрии кэскилэ» тиэмэҕэ төгүрүк остуол (Экэниэмикэ министиэристибэтигэр);
14 ч.-17 ч. – СӨ табаһыттарын III сийиэһин пленарнай мунньаҕа (ТХА мунньахтыыр саалатыгар);
10 ч.-18 ч. – «Тордох ыалдьыттары күүтэр» регионнар икки ардыларынааҕы көрүү (ТХА ипподромугар).
Кулун тутар 17 күнүгэр:
09 ч.-12 ч. 30 мүн. – «Хотугу дьиэ табатын иитии проблемалара уонна сайдар тосхоллоро итиэннэ РФ Хоту, Сибиир, Уһук Илин аҕыйах ахсааннаах төрүт норуоттарын олохторун укулаатын харыстааһыҥҥа оруола» Бүтүн Россиятааҕы научнай-практическай конференция (ТХА мунньахтыыр саалатыгар).
10 ч.-11 ч. – Тыа хаһаайыстыбатын бородууксуйатын уонна норуот оҥоһуктарын дьаарбаҥка-быыстапкатын, «Киэҥ куйаар – эдэр табаһыт хараҕынан» регионнар икки ардыларынааҕы куонкурус-фотобыыстапканы арыйыы;
14 ч.-17 ч. – РФ табаһыттарын IV сийиэһин пленарнай мунньаҕа (Бырабыыталыстыба 1-кы №-дээх дьиэтигэр Өрөспүүбүлүкэ саалатыгар);
18 ч.-20 ч. – Табаһыттар Бүтүн Россиятааҕы IV сийиэстэригэр уонна Саха Өрөспүүбүлүкэтигэр Арктика күнүн бырааһынньыктааһыҥҥа анаммыт өрөгөй дьаһал (Д.К.Сивцев-Суорун Омоллоон аатынан Опера уонна балет судаарыстыбаннай тыйаатырыгар);
09 ч.-13 ч. – «Көс ыал» регионнар икки ардыларынааҕы күөн күрэс (ТХА ипподромугар);
11 ч.-12 ч. – «Хотугу мозаика» түүлээх таҥаһы көрүүгэ регионнар икки ардыларынааҕы күөн күрэс (ТХА ипподромугар);
12 ч.-14 ч. 30 мүн. – «Табалаах кыраай тэтиминэн» үҥкүү тылын этээччилэргэ регионнар икки ардыларынааҕы көрүү-күөн күрэс;
10 ч.-18 ч. – «Тордох ыалдьыттары күүтэр» регионнар икки ардыларынааҕы көрүү;
10 ч.-18 ч. – Табаны иитии салаатын материальнай-техническэй хааччыйыы быыстапката.
Кулун тутар 18 күнүгэр:
10 ч.-14 ч. – Табаһыт эр дьон уонна дьахталлар сыарҕалаах, уучах табаларынан сүүрдүүгэ, маамыктанан быраҕыыга күрэхтэһиилэрэ (Күөх Хонууга);
14 ч. 30 мүн.-15 ч. 30 мүн. – Табаһыттар оонньууларын кыттыылаахтара Күөх Хонууттан ТХА ипподромугар сэлэлии хаамсан тиийэллэр;
15 ч. 30 мүн.-16 ч. 30 мүн. – Табаһыттар регионнар икки ардыларынааҕы оонньууларын үөрүүлээхтик арыйыы (ипподромҥа);
16 ч. 30 мүн.-18 ч. – Табаһыт лаайка ыттарга аукцион (ипподромҥа);
10 ч.-18 ч. – Тыа хаһаайыстыбатын бородууксуйатын уонна норуот оҥоһуктарын дьаарбаҥка-быыстапката итиэннэ таба иитиитин салаатын материальнай-техническэй хааччыйыы быыстапката (ипподромҥа);
10 ч.-18 ч. – «Тордох ыалдьыттары күүтэр» регионнар икки ардыларынааҕы көрүү.
Кулун тутар 19 күнүгэр:
09 ч.-12 ч. 30 мүн. – Табаһыттар регионнар икки ардыларынааҕы оонньуулара (ипподромҥа);
12 ч.-15 ч. 50 мүн. – Биирдиилээн бастыыр иһин күрэхтэһии (ипподромҥа);
10 ч.-18 ч. – «Тордох ыалдьыттары күүтэр» регионнар икки ардыларынааҕы көрүү (ипподромҥа);
10 ч.-15 ч. – Тыа хаһаайыстыбатын бородууксуйатын уонна норуот оҥоһуктарын дьаарбаҥка-быыстапката итиэннэ таба иитиитин салаатын материальнай-техническэй хааччыйыы быыстапката (ипподромҥа);
15 ч.-17 ч. – СӨ улуустарын уонна РФ регионнарын дэлэгээссийэлэрэ кэнсиэрт көрдөрөллөр (ипподромҥа);
15 ч.-17 ч. – Түмүгү таһаарыы;
17 ч.-18 ч. 30 мүн. – Наҕараадалааһын, Табаһыттар оонньууларын үөрүүлээхтик сабыы (ипподромҥа).