Экология, айылҕаны туһаныы уонна ойуур хаһаайыстыбатын министиэристибэтин пресс-сулууспата иһитиннэрэринэн, булт ресурсаларын сүрүннээһиҥҥэ, туһаныыга уонна харыстааһыҥҥа управление оптоволокно ситимигэр иилистэн турар атыыр тайах фонугар түспүт киһи хаартыската батсаапка тарҕаммытынан ирдиир, чуолкайдыыр үлэни ыытар.
Билигин ол киһи кимэ билиннэ диэн биллэрдилэр. Кини этэринэн, тайах Томпо улууһун сиригэр иҥнэн турар. Эрдэ иһитиннэрбиппит курдук, оптоволокно ситимигэр эппиэттээх сирэйинэн Пермь куораттан “Импульс” НПХ” ХЭУо буолар. Экология министиэристибэтиттэн оперативнай бөлөх тайаҕы ситимтэн босхолуур уонна кыыл-сүөл эйгэтин туһунан сокуону кэһиини бэлиэтиир соруктаах айаҥҥа турунна. Бэрэбиэркэ түмүгүнэн буруйдаах юридическай сирэй административнай эппиэтинэскэ тардыллыаҕа.
Интэриниэт ситимигэр атыыр тайах иҥиннэ
Василий НИКИФОРОВ, edersaas.ru