Татьяна ТЫМЫРОВА – “Биир ньыгыл Арассыыйа” ыытар барыллаан куоластааһынын кыттыылааҕа.

Ааптар: 
Бөлөххө киир:

 Муус устар 21 күнүгэр “Дьокуускай куорат” куораттааҕы уокурук баһылыгын дуоһунаһыгар хандьыдааттарын сүүмэрдиир барыллаан куоластааһыныгар өссө биир кыттааччы эбилинэ.

Роман ПОПОВ, “Саха сирэ” хаһыат, edersaas.ru


“Праздник жизни” хааччахтаммыт эппиэтинэстээх уопсастыба дириэктэрэ, ресторатордар, отельердар өрөспүүбүлүкэтээҕи ассоциацияларын бэрэссэдээтэлэ Татьяна ТЫМЫРОВА праймеризка кыттарын туһунан сайабылыанньаны тэрийэр хамыыһыйаҕа киллэрдэ.

Муус устар 21 күнүнээҕи туругунан, киин куорат баһылыгын дуоһунаһыгар биэс хандьыдаат регистрацияланна: Дьокуускай баһылыга Айсен НИКОЛАЕВ, урбаанньыт Николай ПОТАПОВ, теле-биэриилэри ыытааччы Андрей И (ХОРОШЕВ), эдэр гвардеец Святослав СОФРОНЕЕВ уонна урбаанньыт Ирина ВЫСОКИХ.

Бу иннинэ барыллаан куоластааһыҥҥа регистрацияны ааспыт юрист Олег ЯХОНТОВ, бэйэтэ баҕа өттүнэн сайабылыанньа биэрэн, праймеризка кыттартан туоратылынна.

Барыллаан куоластааһыҥҥа кыттыан баҕалаахтартан сайабылыанньалары муус устар 27 күнүн киллэрэн туран үлэ күнүгэр маннык аадарыска ылаллар: Дьокуускай куорат, Аммосов уулуссатын 18 №-дээх дьиэтин 4/4 кэбиниэтэ. Төлөпүөнэ: 421-421.

Манна “Биир ньыгыл Арассыыйа” баартыйа чилиэнэ биитэр баартыйата суох, урут сууттана сылдьыбатах ким баҕалаах барыта кыттыан сөп. Праймериһы ыытыы балаһыанньатын уонна регламенын кытта pg.er.ru сайтка киирэн сиһилии билсиэххитин син.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0