Хаһаайыстыбалары тыа хаһаайыстыбатын аныгы тиэхиньикэтинэн, технологиятынан хааччыйыы бырагырааматынан быйыл 61 мөл. 700 тыһ. солк. көрүлүннэ. Онон, саҥа тиэхиньикэни атыыласпыт хаһаайыстыба ороскуотун 95 %-ын бүддьүөт толуйуоҕа. edersaas.ru
Бу бырагыраама чэрчитинэн, улахан сүүмэрдээһини ааһан, сиргэ идэтийэн үлэлиир 15 хаһаайыстыба чэпчэтиинэн туһанар буолла. Ол иһигэр бурдугу 300 гектарга ыһар алта хаһаайыстыба, хортуоппуйу 20 гектарга олордор тоҕус хаһаайыстыба бааллар. Кинилэр үс улахан кыамталаах тыраахтары, биэс «Вектор 410» хамбаайыны, бурдугу ыһар үс комплексы, аҕыс «Болко» хортуоппуй хамбаайынын, биэс сири таҥастыыр тиэхиньикэни, биир сиэйэлкэни, биир хортуоппуйу олордор тэрили ыллылар. Амма Покровкатын бурдугу үүннэрээччилэрэ 7 мөл. солк. суумалаах К-744 тыраахтары, бурдугу ыһар «Агратор» комплексы атыыластылар.
Раиса СИБИРЯКОВА, “Саха сирэ” хаһыат, edersaas.ru
+1
+1
+1
+1
+1
+1
+1