Ытыктабыллаах тимир суол үлэһиттэрэ!
Саха сирин салалтатын аатыттан идэлээх бырааһынньыккытынан итиитик-истиҥник эҕэрдэлиибит! Кэнники сылларга тимир суол өрөспүүбүлүкэ тырааныспарын систиэмэтин сүрүн төрдүнэн буолла. Экэниэмикэ уонна бырамыысыланнас сайдарыгар усулуобуйа тэриллэр, хоту таһаҕас таһыыта судургутуйар. Сыл аайы «Саха сирин тимир суоллара» хампаанньа Томмоттон Москваҕа, Хабаровскайга, Благовещенскайга диэри 80 тыһ. кэриҥэ киһини таһар.
Сыл бүтүөр диэри Аллараа Бэстээххэ диэри тимир суол толору арыллан, бу салаа өссө сайдыаҕа. Пассажира даҕаны элбиэҕэ, таһыы географията кэҥиэҕэ. Таас чоҕу хостуур хампаанньалар сайдыахтара, өрөспүүбүлүкэ улахан аҥаарыгар таһаҕаһы тиэйии сылы супту барыаҕа. Аллараа Бэстээххэ тимир суол ситимэ Саха сирин уонна Арассыыйа хотугулуу-илиҥҥи өттүгэр сүрүн пуун буолуоҕа диэн бигэ эрэллээхпит.
Күндү тимир суол үлэһиттэрэ, эппиэтинэскит, дьаныардаах үлэҕит иһин махтанабыт! Эһиги үлэҕититтэн Саха сирин олохтоохторун уйгута тутулуктаах. Эһиэхэ чэгиэн доруобуйаны, дьолу, үлэҕитигэр ситиһиини баҕарабыт!
Саха Өрөспүүбүлүкэтин салалтата.