РФ Тыатын хаһаайыстыбатын министиэристибэтэ Сибииргэ уонна Уһук Илиҥҥэ дойду киин регионнарыттан оҕуруот аһын, фруктаны тиэйэн илдьиигэ тимир суол тарыыбын намтатарга этии киллэрбит. Вагоннар төннөллөрүгэр эмиэ чэпчэтиллибит тарыыбынан балык тиэнэн барыахтара. Бу туһунан тыа хаһаайыстыбатын миниистирэ Александр Ткачев РИА Сонуннарыгар интервью биэрэригэр эттэ.
Василий НИКИФОРОВ, «Саха сирэ» хаһыат, https://edersaas.ru/
«Биһиги Сибиир уонна Уһук Илин регионнарыгар оҕуруот аһын, фруктаны тимир суол көлөтүнэн уонна анал рефрижератордаах контейнердарынан тиэйии тарыыбын сезонунан (атырдьах ыйыттан ахсынньыга диэри) түһэрэр кыаҕы көрөллөрүгэр этэбит, – диир Александр Ткачев. – Ити регионнарга көлө хайа баҕарар көрүҥүнэн таһаҕаһы тиэйии өҥөтө олус үрдүк буолан, дойду сылаас, сымнаһыар климаттаах эҥээриттэн оҕуруот аһынан, фруктанан хааччыйыы кээмэйин улаатыннарарга сүрүн харгыһы көрсөбүт».
Росстат дааннайынан, Уһук Илин олохтоохторо оҕуруот аһынан, фруктанан 53 бырыһыанын хааччынан олороллор. Дойду тыатын хаһаайыстыбатын баһылыга ити түбэ балыгар ордук ымсыырарын кистээбэт. Тимир суолунан хантан эрэ тиэйиллэн кэлэр саарбах хаачыстыбалаах дьаабылыкатааҕар бэйэбит күөлбүт быччыкыта ордук ини.
Василий НИКИФОРОВ.