Уйгулаана Портнягина саха народнай бэйиэтин Бүөтүр Тобуруокап аатынан истипиэндьийэни ылла. М.К. Аммосов аатынан Хотугулуу-Илиҥҥи бэдэрээссийэлии үнүбэрсиэккэ сылын ахсын норуот бэйиэтэ Бүөтүр Тобуруокап аатынан анал истипиэндьийэ туттарыллар. Бу истипиэндьийэ Арассыыйа Бэдэрээссийэтин Хотугулуу-илиҥҥи норуоттарын уонна култуураларын үнүстүүтүн саха литэрэтиирэтин хаапыдыратын устудьуоннарыттан үөрэххэ, айар үлэҕэ ситиһиилээх, уопсастыбаннай үлэҕэ көхтөөх устудьуоҥҥа ананар. Быйыл тэрээһин 15 төгүлүн сэтинньи 27 күнүгэр Олоҥхо тыйаатырыгар ыытылынна.Истипиэндьийэни туттарыыны саха литэрэтиирэтин хаапыдырата көҕүлээн, тэрийэн ыытар, сыл ахсын күүтүүлээх бырааһынньык курдук олус уратытык ааһар. Үгэс быһыытынан тэрээһини төрдүс куурус устудьуоннара салайаллар. Бу сылга ЛҮ-14 бөлөх (кураатар Попова М.П., дассыан, б.б.х.) эрдэттэн сценарий суруйан, куонкурустары толкуйдаан, тэрээһин ыытыллар сирин булан, спонсордары кытта кэпсэтэн олус үчүгэйдик бэлэмнээбиттэр. Быйылгы биэчэр уратытынан дресс-код буолла: ыалдьыттар бары винтажнай, ретро-таҥас кэтэн кэлбиппит. Тиэмэтэ да сонун – «Сүрэхтэр кэпсэтэр кэмнэрэ». Бакалаабыр уонна исписийэлитиэт устудьуоннара, о.э. барыта холбоон 7 бөлөх Б. Тобуруокап олоҕун кэрчик кэмнэрин үллэстэн, 5-тии мүнүүтэлээх сыанкаларынан көрдөрдүбүт.
Бүөтүр Тобуруокап таптал туһунан хоһоонноругар уруһуй күрэҕэр Мария Артемьева (ЛҮ-16 бөлөх), «Үйэлээх тапталы умнумуох» — таптал туһунан хоһоон айааччылар күрэхтэригэр – Григорий Ласточкин (ЛҮ-14 бөлөх), «Күнү-дьылы уҥуордаан сэһэргэһиэх, кэпсэтиэх» — Б.Тобуруокапка туһаайыллыбыт эссе-сурук күрэҕэр – Варвара Турнина (ЛТ-15 бөлөх) кыайыылаахтарынан таҕыстылар. Оттон саамай көхтөөх, бастыҥ бөлөх үрдүк аатын бастакы куурус ЛҮ-17 бөлөх (кураатар Е.А. Архипова) устудьуоннара сүктүлэр.
Истипиэндьийэ туттарыыта хаапыдыраҕа куруук бырааһынньык курдук буолар. Үгэс быһыытынан тэрээһини төрдүс куурус устудьуоннара салайаллар. Бу сылга ЛҮ-14 бөлөх (кураатар Попова М.П., дассыан, б.б.х.) эрдэттэн сценарий суруйан, куонкурустары толкуйдаан, тэрээһин ыытыллар сирин булан, спонсордары кытта кэпсэтэн олус үчүгэйдик бэлэмнээбиттэр. Быйылгы биэчэр уратытынан дресс-код буолла: ыалдьыттар бары винтажнай, ретро-таҥас кэтэн кэлбиппит. Тиэмэтэ да сонун – «Сүрэхтэр кэпсэтэр кэмнэрэ». Бакалаабыр уонна исписийэлитиэт устудьуоннара, о.э. барыта холбоон 7 бөлөх Б. Тобуруокап олоҕун кэрчик кэмнэрин үллэстэн, 5-тии мүнүүтэлээх сыанкаларынан көрдөрдүбүт.
Бүөтүр Тобуруокап таптал туһунан хоһоонноругар уруһуй күрэҕэр Мария Артемьева (ЛҮ-16 бөлөх), «Үйэлээх тапталы умнумуох» — таптал туһунан хоһоон айааччылар күрэхтэригэр – Григорий Ласточкин (ЛҮ-14 бөлөх), «Күнү-дьылы уҥуордаан сэһэргэһиэх, кэпсэтиэх» — Б.Тобуруокапка туһаайыллыбыт эссе-сурук күрэҕэр – Варвара Турнина (ЛТ-15 бөлөх) кыайыылаахтарынан таҕыстылар. Оттон саамай көхтөөх, бастыҥ бөлөх үрдүк аатын бастакы куурус ЛҮ-17 бөлөх (кураатар Е.А. Архипова) устудьуоннара сүктүлэр.
Оттон анал истипиэндьийэни Б.Тобуруокап кыргыттара Любовь, Саргылаана Петровна Тобуруокабалар, суруйааччы күтүөтэ Дмитрий Федосеевич Наумов уонна кинилэр оҕолоро, сиэннэрэ кэлэн туттардылар. Санатар эбит буоллахха, бу истипиэндьийэни биир бастакыларынан Рустам Каженкин, Марфа Птицына, Дмитрий Бястинов ылар чиэскэ тиксибиттэрэ. Быйылгы үбүлүөйдээх тэрээһиҥҥэ 15-с төгүлүн туттарыллар истипиэндьийэ хаһаайынынан Литературнай айар үлэ (Литературное творчество) идэҕэ үөрэнэр үһүс куурус устудьуона Уйгулаана Портнягина буолла.
Биһиги Уйгулаанаттан бу умнуллубат түгэн туһунан санаатын үллэстэригэр көрдөстүбүт. Уйгулаана Портнягина:
— Биһиги бары таптыыр суруйааччыбыт Петр Тобуруокап дьиэ кэргэниттэн анал истипиэндьийэни ылбыппыттан олус үөрдүм. Түөскэ кэтиллэр бэлиэ биэрбиттэрэ эппиэтинэстээх, соһуччу түгэн этэ. Ыһыктыбакка иннин диэки саҥа саҕахтары дабайарга бэлэммин! Бэйэм «Сэргэлээх уоттара» литературнай түмсүү старостабын, араас литературнай көрсүһүүлэргэ сылдьабын, чөл олоҕу өрө тутабын. Быйыл Петр Тобуруокапка аналлаах тэрээһиннэргэ көхтөөхтүк кытынным. Поэзияҕа бэйэм суолбун көрдөнөбүн.
Тобуруокаптар дьиэ кэргэттэригэр аҕаларын, эһэлэрин аатын үйэтитэ сылдьалларыгар, биһиги биэчэрбитигэр куруук күндү ыалдьыт буолалларыгар, тапталлаах уһуйааччыларбар уонна Үөһээ Бүлүү улууһун Нам нэһилиэгин дьаһалтатыгар барҕа махталбын тиэрдэбин! Бэйэм саастыылаахтарбар үөрэххитигэр кытаатыҥ, айар үлэнэн дьарыктаныҥ, бөрүөҕүт сытыы буоллун диэн баҕарыам этэ. Петр Тобуруокап үйэлэргэ ааттанарын туһугар, биһиги ыччат үлэлиэх-хамныах, айыах-тутуох!
Саха литературатын хаапыдыратын сэбиэдиссэйэ, билжлиэгийэ билимин хандьыдаата, дассыан Валентина Григорьевна Семенова тэрээһин туһунан бу курдук бэлиэтээтэ:
— Үчүгэй биэчэр ааста. ЛҮ бөлөх 4 кууруһун оҕолоро үрдүк таһымнаахтык тэрийэн ыыттылар. Сылтан сыл бу тэрээһин сэргэхтэн сэргэх буолан иһэр. Олоҥхо тыйаатырын саалатыгар буолан ааспыта олус сонун уонна интэриэһинэй буолла. Быйыл П. Тобуруокапка аналлаах биэчэргэ 1950-60 сс. дресс-код биллэрбиттэрэ ураты. Бу биэчэр биһиэхэ «Оскары» туттарар курдук улахан суолталаах тэрээһин. Ол курдук биһиги сылы быһа бэлэмнэнэбит; хас сыл аайы устудьуоннарбыт биэчэри бэйэлэрэ толкуйдаан сонунтан сонуннук тэрийэн ыыталлар. Биһиги кинилэр тугу толкуйдаабыттарын билбэппит даҕаны. Литературнай үлэһит идэбитигэр үөрэх былаанынан «Проектирование литературно-массовых мероприятий» диэн анал куурустаахпыт. Быйылгы тэрийээччилэр ол кууруска үөрэнэ сылдьаллар. Баҕар, ол эмиэ кинилэргэ көмөлөспүтэ буолуо. Атын бөлөх устудьуоннара бука бары көхтөөх кыттыыны ыллылар. Биһиги кинилэр олус талааннаахтарын көрөн үөрэбит. Ырыаһыт, хоһоон ааҕар, айар дьоҕурдаах оҕолордоохпутунан киэн туттабыт. Костюмированнай спектакль туруоралларыгар хас биирдии бөлөх туох эрэ ураты фишкалаах, наһаа интэриэһинэйдик толкуйдаан кэлбит этилэр. Ыалдьыттарбыт сүрдээҕин астынан тарҕастылар. Биллэн турар, быйылгы тэрээһин сюрприһа наһаа үчүгэй улахан торт буолла. Арааһа, киһи барыта ону бэлиэтээбит буолуохтаах.
Дьэ, бу курдук Б.Тобуруокапка аналлаах биэчэрбит олус истиҥник, сонуннук, умнуллубаттык ааста. Эһиилги тэрээһин эмиэ үрдүк таһымнаахтык ыытыллыа, интэриэһинэйинэн, уратытынан сөхтөрүө диэн эрэнэбит!
Е.Гладкина, К.Иванова, ЛҮ-15 бөлөх, В.Турнина, ЛТ-15 бөлөх, «Ийэ тыл» пресс-киин, edersaas.ru