Физическэй култуура уонна маассабай спорт управлениетын салалтата иһитиннэрбитинэн, 2017 сылга өрөспүүбүлүкэҕэ барыта 663 спортивнай тэрээһин ыытыллыаҕа.
Сыл бастакы ыйыгар Саха сирин спортсменнарыттан Виталий Данилов мас-рестлиҥҥэ АХШ чөмпүйүөнүнэн буолла, пауэрлифтер Владимир Балынец сытан эрэн ыарахан ыйааһыны анньыыга Бүтүн Россиятааҕы турнир кыайыылааҕынан таҕыста, хайыһардьыт Александр Клуген эдэрдэргэ аан дойду күрэхтэһиитигэр классическай сприҥҥэ сэттис миэстэлэннэ, Ирина Осипова чэпчэки атлетикаҕа Уһук Илин Федеральнай уокурук чөмпүйэнээтигэр 1500 уонна 3000 м дистанцияларга кыайда, эмиэ чэпчэки атлет Игорь Чудинов ити күрэхтэһиигэ 60 м мэһэйдэрдээх сүүрүүгэ өрөспүүбүлүкэ рекордун (8,10 сөк) олохтоон туран, спорт маастарын нуорматын толордо, тустуук Виктор Рассадин Ярыгин аатынан норуоттар икки ардыларынааҕы Гран-при турнирга үһүс бириистээх миэстэни ылла.
Тохсунньу ый түмүгүнэн, “Саха сирэ” хаһыат спорка отделын быһаарыытынан, күрэхтэһиитин таһымынан көрөн, бастыҥ спортсменынан Виктор Рассадины талла. Ити курдук, мантан инньэ бэйэбит сабаҕалааһыммыт быһыытынан, ыйдарынан бастыҥ спортсменнары талар буолуохпут.
Аны олунньу ыйга спортсменнарбыт ханнык күрэхтэһиилэргэ кыттан ситиһиилэниэхтэрин сөбүй?
04-05.02. “Хаҥалас хапсаҕайа” өрөспүүбүлүкэтээҕи аһаҕас түһүлгэ. Покровскай.
09-12.02. Мини-футболга өрөспүүбүлүкэ 2-с лигатын чөмпүйэнээтэ. Дьокуускай.
09-12.02. Сахалыы ыстаныыларга норуоттар икки ардыларынааҕы турнир. Баку.
09-12.02. А.Иванов кэриэһигэр Уһук Илин кикбоксиҥҥа чөмпүйэнээтэ. Дьокуускай.
09-12.02. С.Исмаилов кэриэһигэр боксаҕа Бүтүн Россиятааҕы турнир. Нерюнгри.
11-12.02. Т.Готовцев кэриэһигэр волейболга бэтэрээннэр күрэхтэһиилэрэ. Дьокуускай.
11-14.02. Р.М.Дмитриев кэриэһигэр мас-рестлиҥҥэ Бүтүн Россиятааҕы турнир. Москва.
16-19.02. Мини-футболга өрөспүүбүлүкэ 1-кы лигатын чөмпүйэнээтэ. Дьокуускай.
16-19.02. Күүстээх Дэһээккин кэриэһигэр мас-рестлиҥҥэ өрөспүүбүлүкэҕэ биирдиилээн уонна хамаанданан бастыыр иһин чөмпүйэнээт. Бороҕон.
16-19.02. Сахалыы ыстаныыларга Саха сирин дьиэ иһигэр күрэхтэһиитэ. Дьокуускай.
17-19.02. Сурдлимпиада бырагырааматынан көҥүл тустууга Россия чөмпүйэнээтэ. Дьокуускай.
17-19.02. Н.К.Докторов-Бычырдаан аатынан хапсаҕайга өрөспүүбүлүкэтээҕи турнир. Үөһээ Бүлүү.
17-19.02. Мас-рестлинг норуоттар икки ардыларынааҕы федерациятын президенэ А.К.Акимов бирииһигэр уолаттарга өрөспүүбүлүкэтээҕи турнир. Сунтаар.
17-19.02. Сытан эрэн ыараханы анньыыга өрөспүүбүлүкэтээҕи күрэхтэһии. Дьокуускай.
22-23.02. Ф.Ф.Николаев бирииһигэр хотугу многоборьеҕа өрөспүүбүлүкэтээҕи турнир. Бүлүү.
22-23.02. А.В.Дьячковскай бирииһигэр гиирэ спордугар аһаҕас турнир. Нам.
23-26.02. Волейболга өрөспүүбүлүкэ 2-с лигатын чөмпүйэнээтэ (дьахталлар, эр дьон). Дьокуускай.
25.02. СӨ Ил Дарханын кубогар бойобуой киирсиилэргэ норуоттар икки ардыларынааҕы турнир. Дьокуускай.
24-26.02. “Күүстээх Ааппый” аатынан мас-рестлиҥҥэ өрөспүүбүлүкэтээҕи турнир. Дьааҥы.
24-26.02. Е.Т.Евсеев кэриэһигэр мас-рестлиҥҥэ өрөспүүбүлүкэтээҕи турнир. Бүлүү.
24-26.02. Д.Каратаев кэриэһигэр үөрэнээччилэр ортолоругар сахалыы ыстаныыларга биирдиилээн уонна хамаанданан бастыыр иһин күрэхтэһии. Дьокуускай.
25-26.02. Хапсаҕайга аһаҕас түһүлгэ. Дьокуускай.
25-26.02. Иван Белолюбскай бирииһигэр национальнай многоборьеҕа “Чөмпүйүөннэр кубоктара” өрөспүүбүлүкэтээҕи турнир. Дьокуускай.
25-26.02. В.И.Шараборин бирииһигэр мас-рестлиҥҥэ өрөспүүбүлүкэтээҕи турнир.
25-26.02. СӨ Ис дьыалаҕа министиэристибэтин бирииһигэр хапсаҕайга өрөспүүбүлүкэтээҕи турнир. Дьокуускай.
Петр ПАВЛОВ, “Саха сирэ”, http//edersaas.ru