close
Тохсус кылаас кэнниттэн орто үөрэҕи талааччы элбээтэ...
Кыһа - Олох-дьаһах

Тохсус кылаас кэнниттэн орто үөрэҕи талааччы элбээтэ

Бу күннэргэ Арассыыйа үөрэҕин уонна наукатын миниистирэ Ольга Васильева РФ Федеральнай Мунньаҕын Сэбиэтин “Бырабыыталыстыбаннай чааһыгар” дакылаат оҥордо. Онно бэлиэтээбитинэн, быйыл дойду үрдүнэн 9-с кылааһы бүтэрбит оҕо 56 бырыһыана орто үөрэх кыһатыгар киирбит.

edersaas.ru

Ити ааспыт сылга тэҥнээтэххэ, 14 бырыһыанынан үрдүк эбит. Оттон Саха сиригэр быйыл тохсус кылаас кэнниттэн киирээччилэргэ орто үөрэх кыһаларыгар 2700 кэриҥэ миэстэ көрүллүбүтэ.

Дьонтон ыйыталаһан итиэннэ интэриниэккэ даҕаны бэлиэтииллэринэн, ааспыт сылларга, сүрүннээн, 11-с кылаас кэнниттэн биир кэлим эксээмэни (ЕГЭ) кыайан туттарыахпыт суоҕа диэн дьаахханан, 9-с кылаас кэнниттэн үөрэххэ туттарсаллара. Ол эрээри, кэлиҥҥи кэмҥэ, төрөппүттэртэн туоһулаһан көрдөххө, 11-с кылаас кэнниттэн кыайан үрдүк үөрэххэ киирбэккэ хаалар түгэннэригэр син биир орто үөрэххэ эрэ бараллар, онон эрдэтинэ “суол солуу” турбуттара ордук дэһэллэр.

Манна даҕатан эттэххэ, үлэ ырыынагар ханнык идэлэр ирдэнэллэринэн аттаран, сыллата орто үөрэх кыһаларыгар араас саҥа идэлэри  арыйаллар.

Людмила ПОПОВА, “Саха сирэ” хаһыат, edersaas.ru


Хаартыска: Дьокуускайдааҕы индустриальнай-педагогическай кэллиэс саайтыттан туһанылынна.

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/tohsus/

INSTAGRAM ЛИЭНТЭТЭ

Instagram батыһан бар