Режиссер Эдуард Новиков “Тойон кыыл” (“Царь-птица”) киинэтэ аан дойдуга биһирэннэ. Ол курдук, продюсер Сардаана Саввина бэйэтин «Фейсбукка» страницатыгар иһитиннэрбитинэн, Торонто куоракка ImagineNative норуоттар икки ардыларынааҕы XIX киинэ бэстибээлигэр бастыҥ драаманан ааттаммыт.
edersaas.ru
Тустаах бэстибээлгэ аан дойду бастыҥ киинэлэрэ кытталлар. Продюсер Саввина режиссер Эдуард Новиковы итиэннэ “Сахафильм” хампаанньа бары халыҥ хамаандатын эҕэрдэлиирин туһунан суруйбут.
«Best Feature Drama» сүрүн номинация иһин, уопсайа, уон үлэ киирсибит. Ол эрээри, сахалар киинэлэрэ ордук сэҥээриини ылбыт. Сураҕын иһиттэххэ, бу аакка-суолга тиксибит киинэ наҕараадата 2 тыһ. дуолларга тэҥнэһэр үһү.
Людмила ПОПОВА, Еdersaas.ru
+1
+1
+1
+1
+1
+1
+1