“Тойон кыыл” киинэ Лос-Анджелеска сүрүн бирииһи ылла

Ааптар: 
Бөлөххө киир:

Эдуард Новиков “Тойон кыыл” (“Царь-птица”) киинэтэ Лос-Анджелеска Азия дойдуларын киинэлэрин аан дойдутааҕы бэстибээлигэр (Asian World Film Festival) “Бастыҥ киинэ” номинация сүрүн наҕараадатын ылла. Ити туһунан СИА суруйар.

edersaas.ru Бэстибээл сүрүн бырагырааматыгар элбэх киинэни киллэрбиттэр. Дьүүллүүр сүбэ бэлиэтээбитинэн, хотой дьылҕата хара маҥнайгыттан харах далыгар сылдьыбыт. Тустаах киинэ “Бастыҥ киинэ” номинацияны ылла. Ону таһынан, дьахтар оруолун толорууга эмиэ тиксиэн сөп этэ диэн санаалар бааллар эбит. “Биһиги киинэбитин эксклюзивнай идиэйэтин иһин бастаттылар. Константин Хабенскай “Собибор” киинэтэ дебют быһыытынан анал бирииһи тутта, оттон “Тойон кыыл” сүрүн бирииһи ылла. “Оскарга” даҕаны холонуон сөп этэ. Билигин “Көмүс глобус” түмүгүн кэтэһэбит. Лос-Анджелеска киинэ бириэмийэтигэр үлэлэһэр сүүмэрдээччилэр уонна пресса баара. Кинилэртэн ким эмэ сэргии көрбүт, эбиитин киинэ бастаата, чаҕылхайдар испииһэктэригэр (шорт-лист) киириэн сөп буолуо”, — диэн СИА кэрэспэдьиэнигэр саха киинэлэрин продюсера Сардаана Саввина кэпсээбит. Эдуард Новиков бүгүн Москаваҕа көппүт, онтон салгыы Германияҕа уонна Польшаҕа киинэ бэстибээллэригэр барар үһү. Барыта этэҥҥэ табылыннаҕына, киинэтин туппутунан Австралияҕа «APSA» (Азиатскай-Тихоокеанскай киинэ бириэмийэтигэр) барыаҕа диэн суруйаллар.

edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0