close
podpiska

Боруобакка иҥнибит тайаҕы быраканьыардар өлөрбүттэр...
· - Олох-дьаһах

Боруобакка иҥнибит тайаҕы быраканьыардар өлөрбүттэр

Балаҕан ыйын 18-гар Томпо улууһугар оптоволокно боробулуохатыгар муоһуттан иилистэн турар тайах хаартыската Интэриниэтинэн тарҕаммыта. Бүгүн кыылы быраканьыардар өлөрөн астаабыттарын туһунан Айылҕа харыстабылын министиэристибэтин пресс-сулууспата иһитиннэрдэ. 


Халымалыыр суол 637-с килэмиэтэригэр билиҥҥитэ кимнээхтэрэ биллибэт дьон тайаҕы астаан, төбөтүн, тириитин, иһин-үөһүн эрэ хаалларбыттар. Муоһугар оптоволокно утаҕын боробулуохата иилистэ сылдьара үһү. Хаартыска тарҕанарыгар тайах номнуо өлөрүллүбүт буолуон сөп диэн министиэристибэ үлэһиттэрэ этэллэр.

Кыылы сокуоннайа суох бултааһын чахчытынан, Экология министиэристибэтэ былааны таһынан бэрэбиэркэни саҕалаата. Хомуллубут матырыйаал улуус ис дьыалаҕа уорганыгар бэриллиэҕэ. Маны сэргэ оптоволокно ситимин бас билэр «Импульс» уонна ситими хааччыйар «Колымский Экспресс» тэрилтэлэргэ былааны таһынан бэрэбиэркэ барыаҕа.

Тайаҕы сокуоннайа суох бултааһын туһунан тугу эмэ билэр дьону Экология министиэристибэтигэр 42-30-79 төлөпүөнүнэн эрийэн тыллыыргытыгар көрдөһөллөр.

Роман ПОПОВ, «Саха сирэ» хаһыат, edersaas.ru

Хаартыска Интэриниэттэн ылылынна

#бүгүн: 1
1
2

Сайт матырыйаалларын ааптар көҥүлэ суох ылар бобуллар.