Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas
Киинэ, тыйаатыр артыыһа Роман Дорофеев кэргэниниин ыал буолбуттара бэҕэһээ 4 сыла туолбут.
«Хатан» бөлөх уолаттара «Ыра санаам ситимэ» диэн альбом таһаарбыттар.
Гоша Васильев — Saas Ustar кэргэн’ Диананы кытта аан бастаан 15 сыллааҕыта көрдө-көрөөт таптаабытын туһунан Инстаграм страницатыгар үллэһиннэ.
Kerekuo.ru сайт кылаабынай эрэдээктэрэ Туйаара Алаас уонна сүүрүүк Марфа Троева оҕо күүтэллэр эбит.
Надина Эльпис кэргэниниин Владимир Боярскайдыын Амурскай заливка сөтүөлһүү сылдьар хаартыскаларын Инстаграм страницатын сурутааччыларыгар үллэстибит.
Киинэ, тыйаатыр артыыстара Евгений Пивоваров, Прокопий Колесов уонна Игорь Говоров «SSUOGEY» диэн тэттик видеолары устар Инстаграм страница арыммыттар. Уолаттар номнуо 11,681 сурутааччыламмыттар.
«Киэргэ» ювелирнай дьиэ Дьокуускай куорат кырасыабай кыргыттарын түмэн аһымал-акцияҕа браслет атыылаан 50.000 солк хомуйбуттарын туһунан Инстаграм страницаларыгар таһаарбыттар.
