Ааспыт нэдиэлэҕэ «сулустарбыт» тугу гыннылар?
«Саха сирэ» хаhыат, edersaas.ru
Ырыаһыт, урбаанньыт Варя Максима бэрэсидьиэн Владимир Путинтан Махтал сурук уонна мэтээл тутан үөрдэ-көттө. Максима 2014 с. Сочига буолбута кыһыҥҥы XXII Олимпиадаҕа улахан кылааттаах эбит.
Ырыаһыт Далаана ааспыт нэдиэлэҕэ урукку саҕынньаҕын маастарга киэргэттэрэн, оҕуруолатан биэрбитэ, эксклюзивнай буола түспүт.
Эстрада тыйаатырын дириэктэрэ Алексей Егоров-Өркөн субуотаҕа тыыннаах муусука доҕуһуоллаах ырыа киэһэтин бэлэхтээтэ.
«Сахафильм» дириэктэрэ Дмитрий Шадринныын уонна доҕотторунуун балыктаата.
н
Дмитрий Шадрин — Шандор олунньу 1 күнүгэр Мэҥэ Хаҥалас Аллараа Бэстээҕэр «Долон» култуура киинигэр киинэ саалата арыллыытыгар сырытта.
Сарсыныгар киинэ эйгэтигэр эмиэ улахан тэрээһин буолла. Икки сылтан ордук уһуллубут «Кэрэл» мелодрама, дьэ, сүрэхтэннэ.
Оттон ырыаһыт, спортсмен Арыйаан Свинобоев ыал буолла. Кийиит кыыс — «Саха» НКИХ ыытааччыта Мария Федотова. Эдэрдэр чугас доҕотторун мунньан, сэмэй уруу киэһэтин тэрийдилэр.