Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas.ru
СӨ үтүөлээх артыыстара Екатерина, Алексей Егоровтар айар дуэттарын 25 сылыгар «Ырыа барахсан» диэн улахан кэнсиэр оҥороллор. Уолаттара, сиэттэрэ кэнсиэркэ кыттыахтара.
Саха сирин тустууктара Японияҕа эрчиллэ сылдьаллар. Хаартыскаҕа Япония биллэр тустууктара игирэ Кеничи уонна Шиничи Юмоталар уонна инникилээх тустууктарбыт игирэ Петр уонна Алексей Копыловтар тураллар.
Үүнэр көлүөнэ тыйаатыра 25 cыллаах үбүлүөйүн бэлиэтээтэ. Бырааһынньыктааҕы туорду кондитер Кюннэй Solnyshkina оҥорбут.
Bodylineykt фитнес-киин тэрийээччитэ, бодибилдер Гаврил Винокуров — Ганс төрөөбүт күнэ буолбут. Гаврил Инстаграм страницатыгар үс сыллааҕыта Москва куораттан дойдутугар кэлэн фитнес-киин арыммытын туһунан үллэстибит. «Иннин диэки аргыый аҕай» барыахха наада диэн сурутааччыларыгар сүбэлээбит.
Павел Семенов уола Аскалон Семенов ийэтин дойдутугар Бүлүү Илбэҥэтигэр доҕотторунаан бастакы айар киэһэтин тэрийбит. Аскалон бэйэтин тылларыгар уонна матыыбыгар «Илбэҥэ» диэн ырыатын сүрэхтээтэ.
edersaas.ru