Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas.ru
Саха норуодунай артыыһа Алексей Павлов 60 сааһыгар уонна кини салайар Үүнэр көлүөнэтин тыйаатыра төрүттэммитэ 25 сылыгар анаан испэктээкиллэр буола тураллар. Алексей Павлов Инстаграм страницатын сурутааччыларыгар «Эдэр инникилээх коллегаларбын Алексей Егоровтыын уонна Дмитрий Шадринныын» диэн хаартыска үллэһиннэ.
Ырыаһыт Кэскил Баишев алтынньы 14 күнүгэр «Дойдум салгына тыынна биэр» диэн айар киэһэтэ буолар.
Ырыаһыт Виталий Очиров Инстаграм страницатын сурутааччыларыгар кыстык киэһэлэри киэргэтээри «Анаабыт курдук» диэн гостуруолларым саҕаланнылар диэн суруйбут. Кинини кытта быраата Кеша Васильев сылдьыаҕа.
Топ-стилист Василий Афанасьев бэҕэһээ 15 сыллаах үлэтигэр анаан сүҥкэн улахан шоу оҥордо. Шоу бырагырааматыгар эпатажнай ырыаһыт Света Бугаева сыананы «эспитин» туһунан олус элбэх видео интэриниэти толордо.
Bodylineykt фитнес-сыантыр арыллыбыта 2 сыла буолбут. Инстаграм страницаларыгар ким уратытык эҕэрдэлээбиккэ 3 ыйга буор босхо абонемент биэрэллэрин туһунан суруйбуттар. Фитнес-сыантыр дьарыктанааччылара эҕэрдэ видео оҥорбуттар. Биһиги ааҕааччыларбытыгар биир видеоны талан көрдөрөбүт.
edersaas.ru