Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas.ru
Румынияҕа олорор блогер, саха кыыһа Полина Миклиук Инстаграм доҕотторугар уол оҕоломмутун туһунан үллэһиннэ. Оҕотун Александр Кристиан Миклиук диэн ааттаабыт. Полинаны ийэ буолбутунан эҕэрдэлиибит!
Ырыаһыт, спортсмен Арыйаан Свинобоев Инстаграм страницатын сурутааччыларыгар уруутун малааһынын хаартыскаларын үллэһиннэ. Арыйаан кэргэнэ «Саха» НКИХ ыытааччыта Мария Федотова. Эдэрдэри эҕэрдэлиибит.
Арассыыйа, Европа, аан дойду элбэх төгүллээх чөмпүйүөнэ, харбааччы Анастасия Диодорова Аан дойдутааҕы ыччат фестивалыгар кытта сылдьар. Кини Инстаграм страницатыгар реабилитациялыыр киини тэрийиэн баҕарарын туһунан үллэһиннэ. Настя баҕа санаата туоларыгар баҕарабыт!
Дизайнер Юра Лукин Аан дойду ыччатын фестивалыгар барбыт саха сирин делегациятын кыттааччыларыгар үс нэдиэлэ иһигэр 150 сэлиэччик тиктэ.
Тыйаатыр уонна киинэ артыыһа Татьяна Легантьева Инстаграм страницатыгар бүгүн киэһэ 35-с сылын сыанаҕа оонньонор «Хаарыан хампа күөх кытылым» испэктээги туруоралларын туһунан суруйбут. Татьяна Домна Уйгурова оонньообут оруолун Музлугу оонньуур эбит.
Бу нэдиэлэҕэ «Уол оҕото» диэн киинэ премьерата буолла. Киинэ режиссера Владимир Мункуев Инстаграм страницатыгар киинэ тыйаатырдара толору көрөөччүлээхтэрин туһунан суруйбут. Ону таһынан киинэ уһуллуутугар сыһыаннаах дьонноругар махтаммыт.
edersaas.ru