Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas.ru
Юморист Александр Бурнашев төрөөбүт күнүгэр түбэһиннэрэн, сэтинньи 5 күнүгэр айар биэчэрин оҥороору сылдьар.
Ырыаһыт Ника кэргэниниин Альбертыын ыал буолбуттара 1 сыла буолла. Эҕэрдэлиибит, тапталы, дьолу-соргуну баҕарабыт!
«ДетСАТ» резидена Прокопий Иванов-Прохмен Инстаграм страницатын сурутааччыларыгар саҥа дьылга «ДетСАТ» айар бөлөх улахан кэнсиэр былаанныырын туһунан кэпсээбит. Онон сотору кэминэн детсаттартан кэнсиэр күүтэбит.
Бу нэдиэлэҕэ тыйаатыр уонна киинэ артыыһа Айталина Лавернова төрөөбүт күнэ буолла. Айталинаны эҕэрдэлиибит! Бары үтүөнү баҕарабыт.
“Snow voice” уолаттар бөлөхтөрө тэриллибитэ биир сыл буолбут. Уолаттар Инстаграм страницаларыгар 1 сыл устата 6 ырыа таһаардыбыт диэн сурутааччыларыгар кэпсээбиттэр.
Виталий Власов тылларыгар уонна матыыбыгар «Ньургуһунуом, санаабын өйдөөрүүй» ырыа Дарья Лаврова уонна Алексей Винокуров толорууларыгар клип буолан таҕыста.
edersaas.ru