Харах далыгар сылдьар дьон, ырыаһыттар, спортсменнар, блогердар туох сонуннаахтарын социальнай ситимтэн көрдүбүт. edersaas.ru
Саха эстрадатын тыйаатыра Софрон Данилов «Сүрэх тэбэрин тухары» арамааныгар олоҕуран, Семен Данилов хоһоонноругар суруллубут ырыаларынан музыкальнай испиктээк бэлэмнии сылдьаллар эбит. Бэҕэһээ тыйаатыр артыыстара Семен, Софрон Даниловтар төрөөбүт алаастарыгар Борго баран сирдэрин аһатан, көҥүл ылан кэлбиттэр.
Ырыаһыт Виталий Очиров Сайа тылыгар, Сахаайа матыыбыгар «Ахтылҕан» диэн саҥа ырыа таһааран эрэр эбит. Ол туһунан ырыаһыт Инстаграм страницатын сурутааччыларыгар суруйбут.
Кэрэ куо «Мисс Якутия-1996» Алена Алексеева уонна ыытааччы, «Харысхал» аһымал фонд посуола Анна Фомина-Миронова Инстаграм нөҥүө мөккүһэн сурутааччыларын икки лааҕырга хайыттылар.
Ырыаһыт Кэскил Баишев «Дойдум салгына тыынна биэр» диэн илин эҥэр улуустарынан гостуруолун түмүктээтэ. Кинини кытта доҕотторо Степан Порядин, Ксения Соловьева, Айыына Татаринова сырыттылар.
Ырыаһыт Күннэй бэйэтин тылыгар уонна матыыбыгар «Гугол» диэн саҥа ырыа таһаарда.
edersaas.ru