Бэҕэһээ Уус Алдан улууһун Тулунатааҕы «Татыйык» оҕо саада «Уһуйааммыт дорообо!» диэн үөрүүлээх тэрээһининэн 2017-2018 үөрэх дьылын аста.
edersaas.ru
Үөрүүлээх күҥҥэ төрөппүттэр ааттарыттан кырачааннары Елена Атласова эҕэрдэлээтэ. Олохтоох дьаһалта аатыттан кылаабынай исписэлиис Альбина Дегтерева эҕэрдэ тылы тиэртэ, ону тэҥэ бэлэмнэнии бөлөх оҕолоругар сэмэй бэлэхтэри туттарда. Быйыл тустаах бөлөххө 12 оҕо киирдэ. Оҕо саадын сэбиэдиссэйэ Татьяна Замятина кырачааннарга кэс тыл анаата, баҕа санаатын тиэртэ.
Бу күнтэн ыла кырачаан оҕолорбут сарсыарда аайы күнү кытта уһуктан, уһуйааннарыгар үөрэ-көтө билии ыла кэлиэхтэрэ турдаҕа. Онтон биһиги, уһуйаан үлэһиттэрэ, хас биирдии иитииллээччибитин үөрэ көрсөбүт.
Татьяна ВАСИЛЬЕВА, edersaas.ru.
+1
+1
+1
+1
+1
+1
+1