Үөһээ Бүлүү улууһун Туобуйа нэһилиэгэ улуус кииниттэн 250 км ыраах сытар. Саас, сайын, күһүн аллараанан сырыы суоҕун кэриэтэ.
Александр ТАРАСОВ, «Саха сирэ» хаһыат, https://edersaas.ru
Төһө да улуус кииниттэн ырааҕын иһин, Туобуйаҕа сөптөөх үлэ, тутуу ыытылла турар. Кэлиҥҥи кэмҥэ өрөспүүбүлүкэ үгүс нэһилиэктэригэр чааһынай дьиэни киин ититэр ситимҥэ холбооһун күүскэ ыытыллар.
Быйыл сайын коммунальнай хаһаайыстыба салаатынан туох үлэ ыытыллыбытын Туобуйа нэһилиэгин баһылыга Степан Алексеев маннык кэпсээтэ:
– Быйыл кыбартаалынай хочуолунайтан киин ититэр ситим тардыллан, онно 26 ыал дьиэтин уонна социальнай тэрилтэлэр холбоноллорун ситистибит. Нэһилиэк иһинэн 2 км уһуннаах ититэр ситими тартыбыт. Онон элбэх ыал аны кыһын оһох оттон түбүгүрүө суоҕа.