Дьокуускай куорат полициятын 3 №-дээх отделын дьуһуурунай чааһыгар туристическай фирма дириэктэрэ кинилэр офистарыгар уоруу тахсыбытын туһунан сайабылыанньа суруйбут.
Дьахтар быһаарбытынан, кини курортка барыан иннинэ фирма буҕаалтырыгар 415 тыһ. солк. тахса бэйэтин харчытын хаалларбыт. Өскөтүн туох эмит буолар түбэлтэтигэр, фирма харчылаах буолара ордук диэн. Буҕаалтыр ол харчыны сейфэҕэ уурбут.
Оперативниктар суһал-көрдүүр тэрээһин кэмигэр бу фирмаҕа үлэлиир эдэр киһини уорбалаан туппуттар. Бу Дьааҥыттан төрүттээх 27 саастаах киһи дириэктэрин харчытын кини уорбутун мэлдьэһэ барбатах, тута билиммит.
Барыллаан быһаарыынан, уорбаланааччы лудоман ыарыылаах, хамнаһын барытын спортивнай тотализаторга оонньоон барыыр эбит. Сейфэҕэ дириэктэр харчыта баарын билэр буолан, биир күн үлэтигэр тардыллан, дьон барбытын кэнниттэн уорбут.
Ол харчытын барытын букмекерскай хонтуораҕа ууран сүүйтэрэн кэбиспит.
Бу чахчынан «уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыа №-дээхт, edersaas.ru
Хаартыска: интэриниэттэн.