Туризм — оҕо университета. Туризм уонна кыраайы үөрэтии оҕолор билиигэ тардыһыыларын уһугуннарар, эт-хаан өттүнэн чөл буолууларыгар олус суолталаах. Оҕо туризма үөрэх процеһын кытта дьүөрэлэспэт буоллаҕына, оҕолорбутун хаһан патриотическай тыыҥҥа иитэбитий?
“Саха-Ориентир” оҕо эбии үөрэхтээһинин киинэ куорат оскуолаларыгар эрэ спортивнай ориентированиены ыытар тэрилтэ дуо?
Өрөспүүбүлүкэ бастыҥ туристскай хамаандата хаһан Арассыыйаҕа баран кыттарын туһунан Үөрэх министиэристибэтиттэн ыйытыахпын баҕарабын. 90-с сыллардаахха өрөспүүбүлүкэҕэ туристическай хамсааһын, турсүлүөт олус маассабай этэ. Оннооҕор хоту улуустартан кэлэн кытталлара. Онон СӨ үөрэҕин миниистирэ В.А.Егоровтан бу дириҥ ис хоһоонноох боппуруоска суолта биэрэн, суһаллык дьаһал ыларыгар уонна бу сурукка хоруйдууругар көрдөһөбүн.
Турсүлүөтү сөргүтэр кэм кэлбит курдук көрөбүн. Хаһааҥҥа диэри Арассыыйаттан оҕо туризма сайдыытыгар хаалан иһиэхтээхпитий?
Владимир ПАРФЕНОВ,
Россия Суруналыыстарын сойууһун чилиэнэ,
СӨ үөрэҕириитин үтүөлээх үлэһитэ, кыраайы чинчийээччи.
Хаартыска: интэриниэттэн