Турсүлүөт тэрийэбит

Ааптар: 
Бөлөххө киир:

Арассыыйа Суруналыыстарын сойууһун чилиэнэ, СӨ үөрэҕириитин үтүөлээх үлэһитэ, кыраайы чинчийээччи Владимир Парфенов “Турсүлүөтү сөргүтүөххэ “ диэн ыстатыйата бэчээттэммитэ.


Ааптарбыт ыстатыйатыгар СӨ Үөрэҕин уонна наукатын министиэристибэтиттэн хоруй туттубут. Тустаах министиэристибэ пресс-сулууспатын үлэһитэ В.Е.Неймохова бэрт түргэнник хоруй ылан, ыытта. Онон суһаллык үлэлиир пресс-сулууспаҕа махтанабыт. Тоҕо диэтэххэ, сорох тэрилтэлэр ирдэбилгэ хоруйдуурга тиэтэйээччилэрэ суох. Мантан салгыы министиэристибэ хоруйун ааҕыҥ:

Ытыктабыллаах Владимир Прокопьевич!

Кэлэр көлүөнэ сайдарын туһугар олус сөптөөх ыйытыыны биэрбиккин. Оҕо туризма сайдара наада, кыраайы чинчийии, айылҕаны кытта алтыһыы эдэр ыччат сайдарыгар сүҥкэн суолталаах. Кырдьык даҕаны, кэлиҥҥи кэмнэргэ оскуолаларга, улуустарга турсүлүөтү ыыппат буоллулар, бохуокка, эспэдииссийэҕэ барыы эмиэ аҕыйаата.

Саха сирин үөрэҕин уонна наукатын министиэристибэтэ оҕо туризмын сайыннарар сыаллаах кэккэ дьаһаллары ылынна, ол курдук, улуус аайы оҕо туризмыгар эппиэттээх дьон ананнылар, оскуола, улуус, куорат аайы туристическай сүлүөтү ыытыахтаахтарын туһунан дьаһал таҕыста. Улуустар оҕо туризмыгар эппиэт­тээх үлэһиттэрин муус устар ый 10-12 күннэригэр мунньан бохуоттарга, эспэдииссийэлэргэ оҕо, ыччат сырыытын элбэтэр туһунан кэпсэттибит, үөрэх ыыттыбыт.

Быйыл бэс ыйын 8-11 күннэригэр Эргэ Табаҕа таһыгар өрөспүүбүлүкэ туристическай сүлүөтэ буолар, онно бастакы күн хамаандалары үөрэ­тэбит, иккис күнүттэн күрэхтэ­һиилэр саҕаланыахтара. Күрэхтэһии бырагырааматыгар куонкурус көрүҥнэрэ – хаһыат уруһуйа, кыраайы чинчийии, айар үлэ уонна ойуурга олох-дьаһах тэриниитэ киирсэллэр. Спорт өттүттэн – биир күннээх сорудахтары толоруулаах бохуот, спортивнай ориентирование уонна спортивнай туризм көрүҥнэрэ. Онно оскуола, улуус тэрийээччилэрин эмиэ ыҥыран үөрэх ыытабыт.

Саха сирин хамаандата 2006-2009 сылларга Арассыыйа туристическай сүлүөтүгэр кыттан, 4 төгүл спортивнай көрүҥҥэ бастаабыта. 2006 сылга Бурятияҕа 2-с миэстэ буолбута. Кэлин сылларга үп көрүллүбэккэ, Арассыыйа таһымнаах күрэхтэһиилэргэ кыттыбаттар. Төрөппүттэр суоттарыгар Дьокуускай 33 №-дээх оскуолатын үөрэнээччитэ Назарова Надя Бүтүн Арассыыйатааҕы күрэхтэһиигэ иккис миэстэ буолбута.    

Хаартыска, уруһуй: интэриниэттэн

+1
0
+1
0
+1
0
+1
0
+1
0
+1
0
+1
0