Тустуук Виктор Рассадин Россия чемпионатыгар иккис миэстэ буолла (ВИДЕО)

Россия көҥүл тустууга чемпионатыгар 61 киилэҕэ сахалартан Виктор Рассадин финалга тахсан, бөлүүн 1:00ч. дагестанец Гаджимурад Рашидовтыын кииристэ.

Хаалбыт 13 сөкүүндэҕэ икки баалы биэрэн ахсааны 3:3 тэҥнииргэ күһэлиннэ, хаачыстыбатынан хоттордо. Иккис миэстэ буолла.

Бу киилэҕэ сахалартан Ньургун Скрябин, Егор Пономарев, Вячеслав Ефремов, Эдуард Григорьев, Николай Охлопков, Тимур Николаев, Виктор Степанов, Герман Устинов, хомойуох иһин, туораатылар.

Рассадин финалга киирэригэр Рустам Абдурашидовы (Дагестан) 12:2, Чермен Тавитовы (РСО-Алания) 11:1, Ислам Дудаевы (Чечня) 14:4 уонна Шамиль Омаровы 10:0 ахсааннарынан кыайан таҕыста. Чаҕылхайдык кытынна.

Чемпионат Ингушетия Магас куоратыгар бэс ыйын 12-14 күннэригэр буола турар.