Бүгүн — Тутааччы күнэ!

Ааптар: 
Бөлөххө киир:

Күндү доҕоттор! Эһигини Тутааччы күнүнэн итиитик-истиҥник эҕэрдэлиибит!

edersaas.ru.

Бу идэлээх бырааһынньык инженердэри, бырайыактааччылары, архитектордары, Саха сирин тутуутун комплексын бары үлэһиттэрин итиэннэ исписэлиистэрин түмэр.

Эһиги көмүс илиигитинэн өрөспүүбүлүкэ куораттара уонна сэлиэнньэлэрэ күннэтэ киэркэйэн-тупсан, олорорго тупсаҕай буолан иһэллэр. Эһиги үлэҕит түмүгүнэн уонна уһун, тымныы кыһыннаах, тыйыс айылҕалаах Уһук Хотугу дойдуга олорор сүүһүнэн тыһыынча киһи олоҕун-дьаһаҕын саҥа таһымҥа таһаарарга киллэрэр кылааккытынан сиэрдээхтик киэн туттар бырааптааххыт. Арассыыйа Федерациятын Уһук Илиҥҥи эрэгийиэнигэр олорор дьиэни-уоту тутууга Саха өрөспүүбүлүкэтэ кэлиҥҥи кэккэ сылларга инники күөҥҥэ сылдьар. 2017 с. өрөспүүбүлүкэ 634,6 тыһ. кв миэтэрэ иэннээх олорор дьиэни үлэҕэ киллэрэн, лидер буолла! Ааспыт биэс сыл устата 30 тыһ. киһи хаарбах туруктаах дьиэлэртэн саҥа кыбартыыраларга көһөрүлүннэ. Хаарбах дьиэлэртэн дьону көһөрүү бырагырааматынан уонна толору хааччыллыылаах тупсаҕай олорор дьиэни тутууга биһиги иннибитигэр өссө улахан сорук турар.

Нэһилиэнньэлээх пууннарга саҥа олорор дьиэлэри сэргэ Бүтүн Арассыыйа ирдэбилигэр сөп түбэһэр оҕо саадтара, оскуолалар, поликлиникалар, култуура уонна спорт, эргиэн эбийиэктэрэ элбии тураллар. Бу кэрэ көстүүлээх тутуулар Саха сирин олохтоохторун хас даҕаны көлүөнэлэригэр туһалыаҕа.

Күндү доҕоттор, кэнчээри ыччаттарбыт дьоллоох кэскиллэрин эһигини кытары биһиги бииргэ уһаныахпыт, тапталлаах Сахабыт өрөспүүбүлүкэтин сайдыытын бырагырааматын олоххо киллэриэхпит. Эһиги бары бырайыактаргытыгар ситиһиини, тус бэйэҕитигэр уонна дьиэ кэргэттэргитигэр чэгиэн доруобуйаны, дьолу-соругун баҕарабыт!

Саха Өрөспүүбүлүкэтин салалтата.

+1
0
+1
0
+1
0
+1
0
+1
0
+1
0
+1
0