Быйыл өрөспүүбүлүкэҕэ 237,6 тыһ. кв. миэтэрэ иэннээх элбэх кыбартыыралаах олорор дьиэ тутуллунна. Ол эрээри хастыы да сылы быһа тутууларын соһо сылдьар хампаанньалар элбэхтэрэ мэлдьэх буолбатах.
СӨ тутууга уонна дьиэни-уоту кэтээһиҥҥэ судаарыстыбаннай управлениетын чахчыларынан, 9 ыйтан ордук болдьохторун тутуспат тутааччылар «хара испииһэктэригэр» (алтынньы ыйдааҕы туругунан) «Алмазинвестстрой» ХЭТ (Дьокуускай куоракка Жорницкай уулусса 7/33 нүөмэригэр баар олорор дьиэ); «Агентство недвижимости «Доступное жилье» ХЭТ (16 кыбаарталга 30 кыбартыыралаах дьиэ таһыгар 17 кыбартыыралаах дьиэни тутуу); «ИНКОМ» ХЭТ (Бүлүүлүүр суол 6-с килэмиэтиригэр 9 кыбартыыралаах дьиэ); «Нова-С Компания» ХЭТ (23-с кыбаарталга 4-с нүөмэрдээх олорор дьиэ (58 кыбартыыралаах); «Намстрой» МУП (Нам сэлиэнньэтигэр Базовай уулуссаҕа тутуллар дьиэ); «Ормикс» ХЭТ (141 кыбаарталга 147 кыбартыыралаах олорор дьиэ); «Сахастройгрупп» ХЭТ (Бүлүү куоратыгар Октябрьскай уулуссаҕа 24 кыбартыыралаах дьиэ); «Симиир» ХЭТ (Сайсары уокуругар Чайковскай уулусса 117/3 дьиэтэ); «ССК» ХЭТ (69 кыбаарталга тутуллуохтаах элбэх кыбартыыралаах икки олорор дьиэ); «Тобул» ХЭТ (Бүлүү куоратыгар Мир уулуссатыгар 100 Г дьиэтэ); «Фаворит» ХЭТ (Мэҥэ Хаҥалас Аллараа Бэстээҕэр 18 кыбартыыралаах түөрт мэндиэмэннээх дьиэ); «СПФ Черов и К» (Ильинка оройуонугар түөрт олорор дьиэ) киирдилэр.
Анивера АКИМОВА.