close
Тутааччылар тоҕус ыйтан ордук кэтэһиннэрдилэр
Олох-дьаһах - Чыпчаххай

Тутааччылар тоҕус ыйтан ордук кэтэһиннэрдилэр

СӨ Тутууну уонна дьиэни-уоту кэтээн көрүү судаарыстыбаннай управлениета эбийиэк үлэҕэ киириитин болдьоҕун уһатар хампаанньалар испииһэктэрин сылга хаста даҕаны оҥорор. Ааспыт ыйдааҕы испииһэккэ уонтан тахса тэрилтэ киирдэ. Дьэ, хара баһаам диэтэҕиҥ! Маны эбийиэктэригэр таһаардахха өссө элбэх.

Анивера Акимова, «Саха сирэ» хаһыат, edersaas.ru

  1. «Алькор-7» ХЭУо Нерюнгри куоракка «Соснова» микро-оройуоҥҥа 60 кыбартыыралаах биэс мэндиэмэннээх дьиэтин маҥнайгы декларациятын быһыытынан өссө былырыын төрдүс кыбаарталга үлэҕэ киллэриэхтээх этэ.

 

  1. «АРТ» МУП Дьокуускай куоракка Халтурин уулуссатын 22/2 аадырыһыгар тутулла турар олорор дьиэни эмиэ былырыын үлэҕэ киллэриэхтээх этэ даҕаны, күн бүгүнүгэр диэри сыһа-соһо сылдьар.

 

  1. «ОДьКХ» ГУП 2013 микро-оройуоҥҥа тутулла турар дьиэ иккис уочарата (үлэҕэ киирии болдьоҕо тоҕус ыйтан ордук уһаабыт.

 

  1. «Агентство недвижимости «Доступное жилье» ХЭУо 16 кыбартаалга 30 кыбартыыралаах дьиэ таһыгар 17 кыбартыыралаах дьиэни бастакы декларациятыгар олоҕуран, 2015 сыл төрдүс кыбаарталыгар үлэҕэ киллэриэхтээх этэ.

 

  1. «ИНКОМ» ХЭУо Бүлүүлүүр суол 6-с килэмиэтиригэр 9 кыбартыыралаах дьиэни маҥнайгы декларациятыгар олоҕуран, 2015 сыл бүтүүтэ хамыыһыйаҕа туттарыахтааҕа.

 

  1. «Нова-С Компания» ХЭУо (23-с кыбартаалга 4-с нүөмэрдээх олорор дьиэтэ (58 кыбартыыралаах дьиэ).

 

  1. «Монолит-Строй» ХЭУо Автодорожнай уулусса 19 нүөмэригэр тутулла турар 9 мэндиэмэннээх дьиэтин үлэҕэ киирэр болдьоҕун тоҕус ыйтан уһатта.

 

  1. «Ормикс» ХЭУо Дьокуускай куорат 141-с кыбартаалыгар 147 кыбартыыралаах олорор дьиэни үс сыл анараа өттүгэр туттарыахтааҕа.

 

  1. ИФК «РФА-Инвест» АУо 203 микро-оройуоҥҥа 2-1 уонна 1-5 нүөмэрдээх дьиэлэрэ 2014 сылтан тутулла сатыыллар.

 

  1. «Сахастройгрупп» ХЭУо Бүлүү куоракка Октябрьскай уулуссаҕа 24 кыбартыыралаах дьиэ «кыттыгас тутуу» ньыматынан 2013 сылтан тутулла турар.

 

  1. «СеверТеплоСтройСервис» ХЭУо Ленскэй куоракка үс мэндиэмэннээх 23 кыбартыыралаах дьиэтэ.

 

  1. «Симиир» ХЭУо үп-харчы хабалатыгар ыктаран, Сайсары уокуругар Чайковскай уулусса 117/3 дьиэтин үлэҕэ киллэриэ өссө да ыраах.

 

  1. «Стройкон» ХЭУо Дьокуускайга 94 кыбартаалга 96 кыбартыыралаах дьиэ үлэҕэр киллэриллэр болдьоҕун арыый да сыҕарытан биэрдэ.

 

  1. «Строймонтаж-2002» ХЭУо Дьокуускайга 12 мэндиэмэннээх итиэннэ Мирнэйгэ 197 уонна 170 кыбартыыралаах дьиэлэрин былырыын үлэҕэ киллэриэхтээҕэ даҕаны баччааҥҥа диэри кыайтарбакка сылдьар.

 

  1. «Товары Саха Якутместпрома» ХЭУо Дьокуускайга 72-с кыбартаалга 16 мэндиэмэннээх дьиэтэ.

 

  1. СПФ «Черов и К» ХЭУо Ильинка оройуонугар 24-түү кыбартыыралаах Б-7, А-О эбийиэктэрэ;

 

Манна биири бэлиэтээн этэр наадалаах дии саныыбын. Бу дьиэлэр сорохторо үлэҕэ киллэриллэн баран, докумуоннара ситэ илик. Холобур, «Агентство недвижимости «Доступное жилье» ХЭУо 16 кыбартаалга 30 кыбартыыралаах дьиэ таһыгар 17 кыбартыыралаах дьиэни бастакы декларациятын быһыытынан, 2015 сыл төрдүс кыбаарталыгар үлэҕэ киллэриэхтээх этэ. Онтун 2016 сыл бүтүүтүгэр көһөрбүтэ. Билигин дьиэ 100% бэлэм турар. Хаһаайыттар олороллор. Ол эрээри, сир учаастагын кыраныыссатыгар уларыйыылар тахсаннар, докумуоннара табыллыбакка сылдьар.

Анивера Акимова, «Саха сирэ» хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/tutaachchylar-to-us-yjtan-orduk-kete-innerdiler/

INSTAGRAM ЛИЭНТЭТЭ

Instagram батыһан бар