Тыа хаһаайыстыбатын оҥорон таһаарыыта үрдээтэ

Бөлөххө киир:

Өрөспүүбүлүкэ үрдүнэн промышленность эйгэтигэр былырыын 724 млрд солк. табаар эргийдэ. Оттон тыа хаһаайыстыбатыгар оҥорон таһаарыы хас эмэ төгүл эбилиннэ.

edersaas.ru


Былырыыҥҥы сыл түмүгүнэн, промышленность эйгэтигэр 724 млрд солк. табаар эргийдэ. Манна алмааһынан, ньиэбинэн, гааһынан эргинэр хампаанньалар сүрүн оруолу ылаллар. Даҕатан эттэххэ, былырыын төһө да “Мир” рудникка улахан саахал таҕыстар, “АЛРОСА” хампаанньа атыытын-тутуутун кыччаппата. Онон промышленность эйгэтигэр баһылыыр оруолу ылар.
Былырыын Ил Дархан олохтоох оҥорон таһаарыыга сүрүн болҕомтотун уурбута. Бу манан ордук тыа хаһаайыстыбатынан дьарыктанааччылар туһаннылар. Санатан эттэххэ, ааспыт сылтан тыа хаһаайыстыбатын сокуона күүһүгэр киирэн, хаһаайыстыбалаахтар аһы-үөлү хото бэлэмнээтилэр.
Ол курдук, тыа хаһаайыстыбатын баалабай бородууксуйата 25,1 млрд солк. тэҥнэстэ. Хайысхаларынан ылан көрдөххө, үүт баалабай ыама 166,4 тыһ. тонна, сүөһү, дьиэ көтөрүн оҥорон таһаарыы ыйааһына – 35,6 тыһ. тонна, сымыыт – 121,5 мөл. устуука буолбут. 77 тыһ. тонна үүт соҕотуопкаламмыт. Онон былырыыҥҥыттан ыла өрөспүүбүлүкэ олохтоохторо үүтүнэн, арыынан, этинэн хааччыллан эрэллэр.

Аграфена КУЗЬМИНА, “Саха сирэ” хаһыат, edersaas.ru 

+1
0
+1
0
+1
0
+1
0
+1
0
+1
0
+1
0