Бу күннэргэ «Саха сирин киэн туттуута» норуот бириэмийэтин «Тыа сирин чулуу үлэһитэ» номинациятыгар куоластааһын түмүктэннэ.
edersaas.ru
Куоластааһын түмүгүнэн «Тыа сирин чулуу үлэһитэ» номинация биэс финалиһын аата билиннэ.
— Ефросинья Лебедева, Чурапчы улууһунааҕы «Уһун Күөл» ТХПК толорооччу дириэктэрэ. Кини 1473 куолаһы ылла, онтон 948 куолас — социальнай ситимнэргэ;
— Павел Тыкынаев, Өлүөхүмэ улууһунааҕы «Нөлөн» бааһынай хаһаайыстыба баһылыга. Кини 1216 куолаһы ылла, онтон 459 куолас — социальнай ситимнэргэ;
— Аграфена Сутакова, Амма улууһа, тыа сирин олохтооҕо. 1198 куоластаах. Онтон 727 куолас — социальнай ситимнэргэ;
— Петр Бугаев, Нам улууһун олохтооҕо, бааһынай хаһаайыстыба салайааччыта. Кини 1171 куоластаах, онтон 316 куолас — социальнай ситимнэргэ;
— Аксана Котогорова, Дьокуускай куорат фермерэ 1144 куолаһы хомуйда, онтон 346 куолас — социальнай ситимнэргэ.
Уопсай куоластааһыҥҥа 27 киһи кыттыыны ылла. Алтынньы 8 күнүгэр кыайыылааҕы талар бүтэһиктээх куоластааһын саҕаланан, алтынньы 12 күнүгэр түмүктэниэҕэ. Бу күн «Тыа сирин чулуу үлэһитэ» номинация кыайыылааҕын аата ааттаныаҕа.
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын саамай үлэлэрин үөһүгэр сырыттахтарына этэн үөрдүү.
«Саха сирин киэн туттуута» норуот бириэмийэтин генеральнай спонсора — «Көмүлүөк» саха иһитин оҥорор фирма.
Елена ПОТОЦКАЯ, «Саха сирэ» хаһыат, edersaas.ru