“Тыгын Дархан” киинэ көстүүмнэрин “Кэрэ” тигэр

Ааптар: 
Бөлөххө киир:

 Урбаанньыт Александра Колесова салайар “Кэрэ” ательетыгар 30-ча үлэһиттээх.

edersaas.ru


Предпринимательство уонна инновация министиэристибэтин кытта ыкса сибээстээхтик үлэлээн, олохтоох оҥорон таһаарыы «дорожнай картатыгар» киирбиттэр. «Кэрэ» ателье Саха сиригэр чэпчэки бырамыысыланнас сайдыытыгар олук уурар тэрилтэ быһыытынан Ил Дархан Егор Борисов улахан болҕомтотун тарпыта. Егор Афанасьевич «Якутия» кластерга урбаанньыттары кытта көрсүһүүтүгэр ателье салайааччытын кытта бэрт өр сэһэргэспитэ.

Биһиги сүрүн сорукпут – үлэ миэстэтин таһаарыы. Туох кистэлэ кэлиэй, ыччаттарбыт үөрэхтэрин бүтэрэ-бүтэрэ, үлэтэ суох сылдьаллара үгүстүк көстөр холобур. Ол иһин биһиги дуальнай үөрэхтээһин тосхолугар киирсэн, өрөспүүбүлүкэ орто анал үөрэхтэрин кыһаларын салалталарын кытта дуогабардары түһэрсэн эрэбит. Бастакынан, Дьокуускайдааҕы технология сервиһин техникумун кытта бииргэ үллээһин сөбүлэҥин түһэристибит. Ол эбэтэр,оҕолор теорияны үөрэтэ-үөрэтэ биһиэхэ кэлэн быраактыкаланыахтара. Үөрэхтэрин бүтэрдэхтэринэ биһиэхэ кэлэн үлэлиэхтэрэ. Бүгүҥҥү күҥҥэ Дьокуускайдааҕы индустриальнай педколледж, инбэлииттэри реабилитациялыыр техникум устудьуоннарын кытта үлэлэһэбит. Намнааҕы филиалбытыгар Нам педколледжын устудьуоннара быраактыкаланаллар, — диэн кэпсиир олохтоох бордууксуйаны оҥорон таһаарар урбаанньыт Александра Колесова.

“Кэрэ” ателье үлэһиттэрэ бу күннэргэ, биллэн турар, саха таҥаһын пропагандалааччы быһыытынан ыһыах таҥаһын тигэ сылдьаллар. Аны үлэх быһыытынан “Тыгын Дархан” киинэҕэ 800-чэкэ араас көстүүмү тигэллэр. Урукку кэм эбитэ буоллар, бу сакаас барыта өрөспүүбүлүкэ таһыгар оҥоһуллуо этэ.

Онон бу тэрилтэ “Саха сиригэр оҥоһулунна” бренд биир бастыҥ тэрилтэтинэн буолан, сотору кэминэн ательеттан фабрикаҕа тиийэ үүнэр кэскиллээх.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

 

+1
0
+1
0
+1
0
+1
0
+1
0
+1
0
+1
0