close
Уһук Илиҥҥэ суох сүҥкэн киин тутулла турар
· - Олох-дьаһах - Саха ыала

Уһук Илиҥҥэ суох сүҥкэн киин тутулла турар

РФ үлэҕэ уонна социальнай сайдыыга миниистирин бастакы солбуйааччы Алексей Вовченко Дьокуускайга тутулла турар оҕо доруобуйатын чөлүгэр түһэрэр (реабилитациялыыр) кииҥҥэ сырытта. Кинини СӨ үлэҕэ уонна социальнай сайдыыга миниистирэ Александр Михеев, миниистири солбуйааччы Зинаида Максимова уонна бэдэрээччит тэрилтэ бэрэстэбиитэллэрэ арыаллаатылар.

edersaas.ru


 

Инбэлиит оҕолорго тутулла турар 250 миэстэлээх киин 2017 с. бүтүүтэ үлэҕэ киллэриллэрэ былааннанар.

Алексей Вовченко: «Бу сүҥкэннээхэй киини доруобуйаны чөлүгэр түһэрэр инники иһэр технологияларынан хааччыйыахтаахпыт. Мин соторутааҕыта Чечня Өрөспүүбүлүкэтигэр сылдьан, илиҥҥи дойдулар медициналарын хайдах туһаналларын көрдүм. Түмүгэ киһини сөхтөрөр – хаампат, ыарахан туруктаах оҕолор эрэллээхтик хаамар буолаллар. Онон, эһиги Кииҥҥит өрөспүүбүлүкэ уонна Уһук Илиҥҥи регион оҕолорун кыһалҕаларын толору быһаарыаҕар эрэнэбин», диэтэ, саҥа Киин Арассыыйа таһымыгар суох эбийиэк буолуохтааҕын тоһоҕолоон бэлиэтээтэ.

Истэллэринэн, көрөллөрүнэн уонна ньиэрбинэй систиэмэ ыарыытыттан эрэйдэнэр инбэлиит оҕолор доруобуйаларын чөлүгэр түһэрэ, эмтэнэ Нерюнгри куоракка барарга күһэллэллэр. Ити эбии уустуктары үөскэтэр. Онон сибээстээн, Нерюнгритааҕы киин өрөспүүбүлүкэ оҕолорун барыларын наадыйыыларын толору хааччыйар кыаҕа суох.

Оҕо доруобуйатын чөлүгэр түһэрэр Киин биир кэлим көмөнү: социальнай-медицинскэй, социальнай-педагогическай, социальнай-психологическай, социокультурнай, спортивнай уо.д.а. оҥоруоҕа. Суукканы быһа үлэлиир уонна күнүскү стационардар аһыллыахтара. Инбэлиит оҕолор төрөппүттэригэр тустаах көмө тиһигин быспакка оҥоһуллуоҕа.

 

2017 сыл тохсунньу 1 күнүнээҕи туругунан:

– 10 тыһыынчаттан тахса оҕо хааччахтаммыт доруобуйалаах;

– ол иһигэр, 6054 – инбэлиит оҕо;

— хааччахтаммыт доруобуйалаах 4 тыһыынчаттан тахса оҕо Дьокуускай к. олорор.

Надежда ЕГОРОВА, «Саха сирэ» хаһыат, edersaas.ru

 

 

 

 

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/u-uk-ili-e-suoh-s-ken-kiin-tutulla-turar/

INSTAGRAM ЛИЭНТЭТЭ

Instagram батыһан бар