«НаДальнийВосток.РФ» диэн федеральнай иһитиннэрэр ситимҥэ «Уһук Илин гектар» бырагыраама чэрчитинэн, сир учаастагын ыларга 121 тыһ. сайаапка регистрацияланна, 43,2 тыһ. сир учаастага бэрилиннэ.
edersaas.ru
Эрэгийиэннэринэн көрдөххө, Приморскай кыраайга 48 тыһ, Саха өрөспүүбүлүкэтигэр 20,5 тыһ., Хабаровскай кыраайга 17,6 тыһ., Сахалин уобалаһыгар 16,2 тыһ. сайаапка киирбит. Сайаапка биэрээччи 46 % сири олорор дьиэни-уоту туттарга, 26 % тыа хаһаайыстыбатын үлэтин-хамнаһын тэрийэргэ, 12 % чааһынай хаһаайыстыба тэринэргэ ылар эбит. Маны таһынан, кэлэктиибинэн 15,8 тыһ. сайаапка бэриллибит. Эрэгийиэннэринэн ыллахха, Приморскай кыраайга 5,8 тыһ, Саха өрөспүүбүлүкэтигэр 4,6 тыһ., Хабаровскай кыраайга 1,7 тыһ. кэлэктиибинэн сайаапка киирбит.
«Уһук Илиҥҥи гектар» бырагыраама олоххо киириэҕиттэн 1,5 тыһ. киһи судаарыстыба араас көрүҥ өйөбүлүнэн (барыта 443 мөл. солк.) туһаммыт. Ол иһигэр, дьиэ кэргэн сүөһү иитэр пиэрмэтин сайыннарыы гранынан 187,9 мөл., саҥа саҕалыыр бааһынай хаһаайыстыбаларга анаммыт гранынан 147,1 мөл. солк. бэриллибит. Билигин бырагырааманы кэҥэтэн, атын судаарыстыбаларга олорор биир дойдулаахтары Россияҕа тардарга туһанар туһунан кэпсэтии барарын туһунан Уһук Илин сайдыытын министиэристибэтин пресс-киинэ иһитиннэрэр.
Раиса СИБИРЯКОВА, “Саха сирэ” хаһыат, edersaas.ru