Бүгүн сарсыарда, ол эбэтэр, от ыйын 11 күнүгэр, Мирнэй оройуонугар Удачнайдааҕы шахтаҕа эстии тахсан, биир үлэһит суорума суолламмытын туһунан Силиэстийэлиир кэмитиэт иһитиннэрдэ.
edersaas.ru
«Бүгүн сарсыарда 6 чааска Удачнай куоракка шахтаҕа дэлби тэптэрии үлэлэрин ыыта сылдьыбыт киһи өллө. Саахал тахсыбыт сиригэр силиэстийэлиир бөлөх тиийэн бэрэбиэркэлиир үлэни ыыта сылдьар«,- диэн РФ Силиэстийэлиир кэмитиэтин Саха сиринээҕи управлениета иһитиннэрдэ.
Бу саахалы өрөспүүбүлүкэ борокуратуурата бэрэбиэркэлээн эрэр. Куттал суох буолуутун ирдэбилин, сокуоҥҥа суруллубут ирдэбиллэри, үлэһиттэр үлэлиир усулуобуйаларын үөрэтиэҕэ уонна түмүк таһаарыа.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1