Атырдьах ыйын 8 күнүттэн Москва куорат Замоскворецкай оройуоннааҕы суутугар дойду экономическай сайдыыга урукку миниистирэ Алексей Улюкаев дьыалата көрүллэр.
Суут саалатыгар Улюкаев планшетын кыҥастаһан тахсарын бэлиэтии көрөн, суруналыыстар тугу ааҕарын ыйыппыттар. Онуоха Улюкаев: “Чеховы ааҕабын, эһиэхэ эмиэ сүбэлиибин. Чехов – нуучча улуу суруйааччыта”, — диэн хардарбыт. Кэпсээнин аата “Убийство” диэн буоларын чопчулаан биэрбит.
Санатар буоллахха, РФ экономическай сайдыыга урукку миниистирэ бэрик ылыыга буруйданар. Холуобунай дьыала 2016 сыл сэтинньи 15 күнүгэр тэриллибитэ. Арассыыйа бэрэсидьиэнэ Владимир Путин үрдүк сололоох чунуобунньугу дуоһунаһыттан босхолообута.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1